Hoi a duc. Ie é lascià de garejé tl 2014, l ann ulache é fat l ejam dla matura tl ITE Raetia Sezion Sport. Daldò sons jit a Dispruch per fé l ejam de Mental Coach y Personal Trainer y ntant ei fat l curs de maester de schi. Deventan maester de schi ei pudù scumencé a trainieren y me devertì cun i plu pitli, plu avisa la grupes FISI. Dan mëter man cun l lëur da trainadëur tl Schi Club Gherdëina, ei mo fat l curs y l ejam de segondo livel da trainadëur. I prims doi ani ei trainiert la grupa di mëndri tl Schi Club, la categoria “cuccioli”, cun Daniele Chiesa. Daldò ëi sëurantëut cun Marco Senoner la grupa dla mutans “juniores”. Te chisc ani ei mparà truep sibe da n pont de ududa prufescionel che nce persunel. Esperienzes nen ei fat ngrumon sibes cun i atlec che cun i trainadëures cun chëi che é laurà. Dantaldut tla categoria di “juniores” ie la scuadra y la sintonia di trainadëures da stramp mpurtantes, davia che n ie deberieda o n cuntat tan che uni di. Pra la esperienzes negatives toma segurmënter ite duc i iedesc ulache n:na atlet:a se fej mel. Ciuldì che é fat l Trainadëur? L me sà bel a lauré cun i atlec y la atletes jëuni:es, ti dé inant cërta esperienzes y cialé de ti nsenië zeche leprò. La cossa che me mancerà dessegur deplù ie cër mumënc che n viv deberieda cun i atlec y la atletes. Canche n se fej pea mumënt auc y basc nasc n raport de crëta che ie dastramp bel. Per fertuna ons pudù festejé trueps suzesc y chisc fej scialdi bon do dut l lëur che n se tol su y l mpëni che n mët ite. DA ATLET A TRAINADËUR Mirko Perathoner Ciuldi che é lascià (per ntant)? Ie é lascià per gaujes de lëur. Purtruep se à l lëur, nce chël da trainadëur, mudà dassënn y da mé ora ne n’iel nia puscibl che n trainadëur dla grupa “juniores” muessa fé mo doi lëures sëuraprò. Sce n uel purté cualità y prufescionalità, coche l vën suvënz dit, pona muessa da mé ora se mudé velch tla urganisazion y tl lëur dl trainadëur. Al mumënt ne n’ie l lëur da trainadëur nia nteressant per n jëunn dla valeda, unfat tan de pascion che l à per chësc bel sport. Mirko Perathoner ex trainadëur skilift risaccia · Selva val Gardena · Wolkenstein Gröden · Dolomites 41 40 Schi Club Gherdëina 2023-24
RkJQdWJsaXNoZXIy Mjc0Mjk=