L SALUT A INUEM DL CUNSËI DIRETIF DLA FIS A duc i atlec y a duta la atletes dl Schi Club Gherdëina ulëssi ti purté i saluc dal Cunsëi dla FIS, lecurdan che la realtà de n Schi Club ie la fundamënta de dut l muvimënt dl sport da d‘inviern cun si desziplines desferëntes. Rengrazie de cuer dl lëur che vën fat da urmei 115 ani incà, da canche l Schi Club Gherdëina ie nasciù, y che à nce abù si fruc, purtan truep atlec a n livel mundiel propi scialdi aut. L ie straurdiner coche uni ann vëniel ora tan de campions da na pitla valeda dla Elpes coche Gherdëina. Chël CHI IE PA VERENA STUFFER Verena Stuffer de S. Cristina, nasciuda ai 23 de juni dl 1984, atleta de schi alpin, ie stata 15 ani alalongia te Copa dl Mond. L miëur plazamënt ie l cuarto post de jené dl 2014 a Cortina tl Super G. Pra la Olimpiades de Sochi iela ruveda 11ejima tl Super G y 14ejima tla Libra. Stuffer fej pert dl Cënter Sportif di Carabinieri. CUNSËI FIS Verena Stuffer tl cunsëi mundiel dla FIS EZEZIUNEL: NA GRAN NUVITÀ Y SAMBËN NCE NA GRAN LEGRËZA IE LA LITA DE VERENA STUFFER TL ORGANN PLU MPURTANT DL MOND TL CIAMP DL SPORT DA D’INVIERN Stuffer ie unida numineda te Cunsëi dla FIS per l tëmp dal 2023 nchin al 2027. Chësc ie la curona de na lingia de ativiteies y de ncëries de respunsabltà tl cheder dla FIS: tl 2019 se ova Verena Stuffer metù a despusizion per fé la reprejentanta FIS dl’atletes y di atlec de schi alpin. La ie nscila che uni desziplina de sport da d’inviern à doi reprejentanc di atlec, for n ël y n’ëila, che fej pert di cumiteis desferënc de Copa dl Mond y de Copa Europa. L mandat coche reprejentanta di atlec de schi alpin tl cheder dla FIS ti ie unì renuvà a Stuffer tl 2021 pert i doi ani nchin al 2023, y inò tl 2023, chëst iede per cater ani, nchin al 2027. TE CUNSËI DLA FIS De duc chisc reprtejentanc de atlec de uni desziplina a livel nternaziunel n iel mé doi, n ël y n’ëila, che va nce ite tl Cunsëi Diretif dla FIS, cun passa vint cumëmbri. I doi espunënc dl’atletes y di atlec ie Stuffer y Alex Fiva. Per l’ucajion ti ons fat n valguna dumandes ala cunseliera FIS nueva: “UE MËTER ITE DUT MI MPËNI” Verena Stuffer, cungratulazions per la ncëria nueva, per l gran saut inant te Vosta cariera. Cie uel pa chësc dì per Vo? L ie per mé n gran unëur a avëi giapà la crëta da pert di atlec y dla atletes per reprejenté si nteresc monce te Cunsëi dla FIS. Ue mëter ite dut mi mpëni de chësc viers, de purté inant l plu che la va la cuestions y la ghiranzes di atlec y dla atletes. Chi ie pa te Cunsëi dla FIS? Laite iel espunënc dl’assoziazions naziuneles de schi de dut l mond, y trëi reprejentanc di atlec, n ël, n’ëila y n paratleta. L presidënt atuel ie Johan Eliasch. Cie dezijions vëniel pa tëut te Cunsëi dla FIS? L ven tratà y nce deliberà n con’ de truepa cuestions che vën purtedes ite dai cumiteies y dala istituzions nteressedes. L possa vester de dé pro i calëndri y la lueges de garejeda, o de lité na pruposta tecnica coche la prutezions dl corp, inant pòssel vester de dé pro sce n ie a una de lascé passé n atleta da na nazion al’autra, pona iel d’uni sort de cuestions legheles, mé per dì che taca adum cun l doping. Te Cunsei dla FIS éi ie, ala pèr di autri, l dërt de usc, de lité pea. Via per l ann iel plu ancutedes, dutes per nglëisc, n iede al ann iel pona l gran cungres, l proscimo ie a Reykjavík. Tlo vëniel adum la “National Ski Associations” de dut l mond. Ciuna ie pa Vosta ncëries y respunsablteies tl Cunsëi dla FIS? L se trata de n lëur de ulentariat, debant. Ntan la sentedes d’ansciuda y d’autonn reprejentei l’atletes y i atlec dl schi alpin ti cumiteies, inant sciche dant. De nuef iel, coche dijëis, la ncëria y la gran respunsabltà tl Cunsëi diretif, ulache muesse y posse fé da portausc di atlec de duta la despziplines: l schi alpin, l nordich, l biathlon, l snowboard, l freestyle, l freeski, l saut cun i schi y la cumbinazion nordica, l speed ski. Ciunes ie pa la cuestions che l’atletes y i atlec uel che purtëis dant tla istanzes cumpetëntes? Danter l auter la cuestion dla segurëza fisica, l aspet de sanità mentela, l aspet finanzier, l'integrazion, i dërc de televijion, prupostes per miuré la vijibltà di atlec ti media, ulache l taca nce adum l format dla garejedes de duta la desziplines, pona nce cuestion tecniches che taca adum cun l material. Sëis pona nce uperativa sun l ciamp, coche n dij, te chësc cajo sun purtoi. Sambën, una de mi ncëria ie nce de jì ala garejedes. Cialeré de jì a ti cialé mpue a duta la desziplines, nia mé al schi alpin da ulache ie vënie. Danter l auter uei jì a ti cialé ala garejeda de skicross a Sanciana/Innichen o a Toblach per l Tour de Ski. David Lardschneider Articul y ntervista uel dì che l Schi Club Gherdëina ne fej nia mé crëscer i mutons per i fe deventé campions, ma nce per ti nsenië i valores sanns dl sport, valores furmatifs, soziei y ntegratifs. Ie nstëssa é pudù viver dut chësc y perchël mëti ite, coche cunseliera di atlec y atletes dla FIS, dut l mpëni per i reprejenté l miec che l ie mesun. Ve mbince a duc Vo, atlec y atletes, trainadëures y a duc chëi che lëura ntëurite na sajon da d‘inviern 2023-24 plëina de legrëzes, suzesc y cuntentëza. Verena Stuffer 47 46 Schi Club Gherdëina 2023-24
RkJQdWJsaXNoZXIy Mjc0Mjk=