La garejeda soziela ie per plù atlec chëla plu cumbatuda y mpurtanta per finé via la sajon! Tl slalom lerch á fat i mieur tëmpes Alex Vinatzer y Chayenne Kostner. Tl pudejé ie stac i plú asvelc Janmatie Kostner y Gaia Brunello Cun n beliscimo tëmp y mo n drë frëit y na nëif bela dura à l Schi Club Gherdëina metù a jì n lunesc de Pasca, ai 10 de auril si garejeda soziela tradiziunela. La garejeda soziela ie daniëura na festa dl sport, sce n possa ti dì nsci, o povester plu tosc n se ancunté, n se museré un cun l auter sun n purtoi de cësa. Na competizion drët sentida, povester plu che vel'autra, propi ajache n se cunësc duc, uni un uel vëncer y bater n si cumpani. Chëst ann fovel doi garejedes tl medemo danmesdi. Daduman ie muec belau 300 sun l purtoi Cir te Val jù per n slalom lerch, Riesc do ie ënghe atlec, jëuni y manco jeuni, l plù jeunn nasciù dl 2019 y l plù vedl tl 1946!, esperc y manco y sambën n grum de apascionei dl sport da inviern muec cun na garejeda de pudejè cun remes, pian via for de doi sun l purtoi da pudejé da Val ite. La prima garejeda fova chëla dl slalom lerch njenieda ca dal sëurstant de schi alpin Karl Heinz Goller cun si culaboradëures y l aiut di alenadëures dl schi club. La garejeda fova partida su te plu categuries cun leprò chëla dla families, categuria drët sentida y cumbatuda, ulache n mussova vester almanco de trei: un, doi otrei mëndri cun l pere, l’oma, l’ava o l neine che fej pea. La familia plu asvelta ie stata la familia de Luis Stuffer cun si mutons Aaron, Thomas y la muta Laura. GAREJEDES SOZIELES dl Schi Club Gherdëina de schi alpin y pudejé Danter duta la families che à fat pea iel uni trat ora n Skipass per la proscima sajon. Rengrazion l consorzio dl Skipass de Gherdëina dla bona man. L plu asvelt de duc canc cun l mieur tëmp dl di à sambën fat nosc gran campion a livel mundiel Alex Vinatzer y pra la mutans ie Chayenne Kostner stata la plù asvelta. Riesc do ie mueta la garejeda a rëms de pudejé. I partecipanc mussova dant fé n pitl slalom, passé sota vel tunel ora y tré na codla y zilé vel busc, sciche pra la garejedes de biathlon. Chi che ne tucova nia, mussova fé na raida de straufonga. N grumon de pitli y granc a fat pea chësta blòta garejeda de pudejé, drët garateda. Rengrazion mo l’azienda de Sëlva che nes à njinià ca tan a puntin l purtoi. Dala un domesdì ie pona stata la premiazion dla doi garejedes dan la hutia Ciampac, n rengraziamënt ti va nce a Rosi. Drët garateda fova la gran ola dala fertuna cun n grumon de pesć. De gra a duc canc che nes à dat n pest. N rengraziamënt ti va ënghe a nosc sponsors ufiziei che nes dà na man ntan dut l ann y a duc chëi che à dat n pest per abelì la garejeda soziela. Ma danz che zënza duc i ulenteres, genitores, alenadëures y chëi che à judà a mëter a jì na tel gran manifestazion sportiva ne jissela nia. De gra a vo duc! La tlassifiches plu avisa dla garejedes de schi alpin y pudejé, cun duc i tëmps y mo n grumon de fotografies pudëis udëi sun la plata dl Schi Club Gherdëina: www.sciclubgardena.info Lidia Bernardi Presidëta dl Schi Club Gherdëina 189 188 Schi Club Gherdëina 2023-24
RkJQdWJsaXNoZXIy Mjc0Mjk=