La sezion de pudejé dl Schi Club Gherdëina ie na pitla sezion, ma purempò dala uni ann de gran sudesfazions a nosc schi club. A nosc atlec y nosta atletes ti garatela for inò de desmustré si capaziteies pra la garejedes pruvinzieles, ma nce te chëles a livel de duta la Talia. De nosta sezion fej pert 19 atlec:tes spartì su te doi grupes. I granc dla scola auta che se alenea cun Armin Kasslatter y David Hofer deberieda ai biatlec y la grupa di mutons y dla mutans dla scola mesana, che se alenea cun Silas y Lea Demez. Na particularità che povester nia duc cunësc, ie nosta grupa dl “avviamento”, che toca pra duta trëi la sezions nordiches. On de ndut 14 mutons y mutans dla scola elementera che ne se dà nia ju cun na disciplina spezifica: ei se alenea dantaldut tl pudejé, ma i possa nce plu iedesc stlupeté y sauté cun i schi da saut. Nscila possa uni mut y uni muta, canche la ie tan inant, crì ora l sport che ti sà l plu bel. A n valgun atlec y n valguna atletes dl pudejé ti ei fat n valguna dumandes per capì miec ciuldì che ëi:les à crì ora chësc sport. Da uni atlet:a ei giapà d’autra respostes. Tlo dessot nen ei trat adum n valgunes: CIE IE PA L PLU BEL PRA L SPORT DE PUDEJÉ? • Fé fadia y arjoner de bon resultac • N ie tla natura y n à na gran hez • Jì cun i schi da pudejé ju per i purtoies de schi alpin • Se devertì deberieda ai cumpanies • L ie for zeche da rì nce sce l alenamënt ie sfadiëus DE CIUN TRAINING TE LECURDERES’A PER FOR? • Canche on fat l Stelvio cun i skiroll • Canche son jic sun Col dala Pieres y pona ons scrit na poejia da rì tl liber sun piza • Canche fan te Antholz cun i skiroll y te n toch juvier fovel ora de nia n lën de traviers y perchël ie duc tumei. • Canche son jic ora de purtoi ju per Mont Sëura. Do n pez ne savan nia plù ulache fan y co ruvé inant. Son passei tres l bosch y tres n ruf y do n’ëura y mesa sons finalmënter ruvei japé • Canche d’ansciuda sons jic sun l jëuf de Sela a tola • Canche fove mo plu pitli fans sun Mont Sëuc a pudejé. Ngali fovi tan stancia che la trainadëura Lea messova me tré do TI CUMPANI UEL ËNGHE SCUMENCÉ A PUDEJÉ. CIE TI CUNSIEIES’A? • Basta che te devertësces y te proves, l rest vën da sëul! • Comprete n pèr de manëces bona ciaudes! • L ne n’ie pa nia tan sfadiëus sciche l cëla ora! • Sce te proves pona te dajeral ngrum de sudesfazions! • Chirete zeche che ie manco sfadiëus! • Scumëncia che pona te sal “figo”! SEZION DE PUDEJÉ Lea Demez CO TE ALENEIES’A L PLU GËN D’INSTÀ? • Sun la pistes da skiroll • Jan cun i skiroll ntanche l surëdl va dojù • Te palestra fajan forza Y D’INVIERN? • Jan a pudejé ti cialan al bel panorama sun la Mont de Sëuc • Duc i alenamënc sun la nëif • Canche jon a tola • Canche furnon ju per i purtoies dai schi CIUNA GAREJEDA TE À PA DAT L PLU SUDESFAZION? • La garejeda de downhill che ie unida metuda a jì sun Monte Pana • Canche son deventà campion pruvinziel de sprint • Canche deberieda a mi cumpanies ons venciù la “staffetta” ai campionac pruvinziei • Duta chëles, ulache son stat bon de dé dut Coche ëis pudù liejer da chël che à dit i atlec y la atletes, suzedel te n ann truepa aventures y uni un:a les viv autramënter. Cie che n vëij ora, ie che per duc ie l devertimënt la cossa prinzipela. Chësc cialons nce nëus alenadëures de mantenì nce tl daunì. Povester sons nce per chësc stac boni de arjonjer coche scuadra, l terzo post tla tlassifica generela dl “Südtirol Cup”. Lea Demez Trainadëura de pudejé 105 104 Schi Club Gherdëina 2023-24
RkJQdWJsaXNoZXIy Mjc0Mjk=