06/02/2023
Gianluca Testa vince lo slalom FIS in Val Badia
En domënia ai 5 de forá él gnü tigní a Badia, sön la pista d'La Crusc n slalom FIS varënt ince por la Marlene Cup. De gran prestaziuns é indô gnüdes arjuntes dai atlec ladins: dui atlec gherdënes y na atleta badiota á podü alzé sö la copa y jí sön le podest. Pröm assolut tla categoria maschila é rové Gianluca Testa dl SC Gherdëina, che á batü de 17 centejimi le secundo Raffael Hopfgartner; al terzo post s'al plazé Tommaso Speri. N bun 5. plazamënt é gnü arjunt dal gherdëna Max Perathoner. Al 14. post él rové Filippo Lettig, al 21. Marc Comploj y al 28. Fabio Grossrubatscher, düc trëi dl SC Gherdëina
Ince tla categroria feminila él gnü arjunt de bugn resultac da pert dles ladines: 4. post assolut por Chayenne Kostner y 5. por Ellis Pellizzari dl Schi Club Gherdëina. Tla classifica assoluta é Rita Granruaz dl ST Alta Badia rovada 8., se plazan al secundo post tla classifica di Aspiranc. 16. y 24. post assolut por les gherdënes Irina Chiechi y Maria De Nardin dl SC Gherdëina, che é rovada 3. te süa categoria.
(da La Usc di Ladins)
