11/03/2019
Campiunac Regionei sculeies y aliefs
Ivan Kerschbaumer y Max Perathoner campions regionei de slalom lerch
N sada y n dumenia, 9 y 10 de merz, fova inó doi garejedes mpurtantes per i sculeies y i alievi.
Categoria sculeies:
N sada 9 de merz ova chësta categoria (2005-2006) na gara de slalom lerch a Sulden sun l purtoi Madritsch. L tëmp ne fova nia scialdi bel y monce da vënt y nscì à i atlec mé pudù furné una na manche, davia che l vënt devëntova for plu sterch y la segurëza per i mutons ne fova nia plu data.
Da chësta gara udons Costa Virgina sul l terzo post. De Nardin Maria devënta 13^.
Pra i mutons vënc Kerschbaumer Ivan y se tol a cësa l titul de campion regionel de slalom lerch. Comploj Patrick ie 4°, Perathoner Matteo 9°, Kofler Manuel 12°.
Chësta categoria di sculeies ova pona mo n slalom strënt da furné n dumenia ai 10 de merz. La gara fova sun la Plose, sun l purtoi Monte Fana. L tëmp fova bon y l purtoi a tënì scialdi bën. L fova doi percursc da furné.
Nce pra chësta gara à i atlec dl Schi Club Gherdëina stlut ju drët ben.
Sun l segondo post ie Perathoner Lisa, vize campiunessa regionela de slalom strënt. Costa Virginia ie terza, De Nardin Maria 6^, Insam Jessica 12^ y Avesani Lisa 15^.
Pra i mutons on Weissensteiner Patrick sul l segondo scialier y vize campion regionel (cun l mieur tëmp tla prima manche). Sun l terzo post udon Kerschbaumer Ivan, cuarto ie Comploj Patrick, cuinto Perathoner Matteo, Perathoner Philip ottavo y Perathoner Nathan 10°.
Categoria alievi:
N sada ai 9 de merz fova per chësta categoria (2003-2004) n slalom strënt sun l program. La gara fova sun la Plosa sun l purtoi Monte Fana. L tëmp fova bon y n à pudù furné chësta gara sun doi percursc.
Ënghe i atlec de chësta categoria se porta a cësa de bon resultac.
Chayenne Kostner ie segonda y vize campiunessa regionela de slalom strënt. Sara Thaler 5^, Wanker Hanna 6^, Ploner Nicole 7^, Ciechi Irina 10^ y Frontul Elena 13^.
Pra i mutons ons Comploj Marc sun l terzo post y Nogler Kostner Diego sun l 8°.
N dumënia ai 10 de merz fova pona la gara de slalom lerch a Sulden sun l purtoi Madritsch. L fova ënghe pra chësta gara scialdi da vënt y nscila à la categoria di mutons me fat una na manche. La mutans ie furnedes doi manches.
Thaler Sara udons sun l setimo post, Pellizzari Ellis ie 8^, Ploner Nicole 9^, Chayenne Kostner 11^ (cun l mieur tëmp tla prima manche), Ciechi Irina ie 12^ y Frontull Elena 15^.
Pra i mutons vënc Perathoner Max y ie nscila campion regionel de slalom lerch. Nogler Kostner Diego ie 4°, Comploj Marc 7°, Runggaldier Julian 14°.
L Schi Club Gherdëina vënc duta la tlassifiches dla sozieteis.