salto

09/02/2021

Manuel Senoner vënc doi tituli a Pardac


N dumënia 7 de fauré iel stat a Pardac/Predazzo na garejeda de saut y combinata nordica che fej pert dl circuito nazionale giovani. Pra chësta gares fej pea duta la sozieteies dl Italia che se da ju cun chësta disciplines.

Tla categoria di U16 valova chesta garejedes per l titul naziunel y Manuel Senoner ië stat te tramedoi garejedes nia da bater. Chësta garejedes ië states fates sun l saut HS 66. L jëun atlet de Sëlva ië chëst an scrit ite ala scola sportiva de Stams, ulache l á desegur de boniscima poscibilteies de training y chësc ti uëga desegur a ji inant y n di o l auter nce deventé n atlet de Copa dl Mond. Ntant al venciú chisc doi tituli cun n gran vantage sul sgondo.

Sce ti cialon nce ai resultac dl autra categories udon dai mutons sota 14 ani, che Maximilian Gartner se á purtá a cësa doi vëntes, sibe tl saut che tla cumbineda. Chisc sauc an purtá ora sun l HS 32. Noé Broll ië tlo deventá sgondo tl saut.
Tla medema categoria dla mutans udon Anna Senoner tlassificheda al sgondo post tl saut y nce sgonda tla cumbineda, ma tla categoria U16.

Bona nutizies nce tla categoria di mutons y dla mutans sota 12 ani, che á te chësta ucajion garejà debriëda. Tlo udon che Noé Broll se á tla cumbineda davanià l sgondo post dan Leonie Runggaldier. I medemi atlec ië ruei terzi y cuarti tla proa de saut. Per rue defin dancá muesa ëi mo miuré tl de sëura tl saut, ajache ilo mancla mo mpue y i piërt a chëla maniera n grum de ponc che ti mancia pona ala fin.

Per l Schiclub Gherdëina iël ala fin sautá ora l prim post tla tlassifica a squadres. Na lauda va sambën ai trainadëures Mattia Runggaldier y Armin Bauer, che se da ju cun gran mpëni y pascion per purté inant si atlec.



Campiunat mondiel junior a Lahti

Ntant scumëncia chëst ena i campiunac mondiei junior de ski nordich, ulache on cinch atlec dl Schiclub Gherdeina che po fe pea. L se trata tlo de Daniel Moroder, Mattia Galliani y Jessica Malsiner tl saut y de Daniela Dejori y Lena Prinoth tla cumbineda nordica. Ti mbincion mo dut l bon!! 

Sponsor

Raiffeisen Gherdeina
ITC Raetia sezion Sport GherdëinaCentro Fondo S.Cristina

Foto

Facebook