fondo

09/02/2021

Garejeda de pudejé Südtirolcup sun Mont de Pana

N sada 6 de fauré à l Schiclub Gherdëina metù a ji na garejeda a rëmes tla tecnica skating. Cun plajëi on udú che l nteres a fe pea ië stat scialdi grand y cun 224 partezipanc on abú n gran suzes. Cun 42 atlec scric ite fova l Schiclub Gherdëina la lia cun la majra cumpëida de partezipanc.
L purtoi fova anjnià cà a puntin da nosc tecnics. Pervia dla pandemia on messú teni ite deplú regules. Per ejempl pudova uni lia me to pea na pitla cumpëida de acumpaniadëures, i genitores ne pudova nia uni pea a cialé. Mplu iël stat fat doi garejedes cun danterite mes ëura de paussa. Do la prima garejeda mussova duc sen n ji ora dal Center y lascé lerch ai proscimi.
Ala fin di conc ala scialdi butá, on giapá laudes per la bona organisazion y pudon propi di che on na bela squadra de alenadëures, funzioneres y genitori che fej for ino garaté nosta manifestazions.
Sce passon ala pert sportiva pudon auze ora l prim post de nosc club tla tlassificha a scuadres cun 6598 ponc, dan l Sarntal cun 4258 ponc y l 5V Loipe de Puster cun 3808 ponc. Merit de chësc resultat va n iëde ala gran cumpëida de atlec che an al start y che à purtà n grum de ponc.

Ma i miëur resultac ulon mpo n curt auzé ora.
Tla categoria di mutons sot a 10 ani se a Matias Piazza tlassifichà al boniscimo terzo post. La categoria ulache on atualmënter i atlec plu stesc ië la under 12 di mutons. Ilo on bën cinch atlec che ië plu o manco al medemo livel. David Moroder sgondo, Robin Kostner quarto, Senoner Matteo sesto, Samuel Demetz settimo y Luca Feichter al undicesimo post. Chisc ië i boniscimi plazamënc de nosc mutons che lascia speré te n bon daunì. Tla medema categoria dla mutans on Elisa Broll al settimo y Eline Rabanser al otavo post. Aaron Galiani à arjont l quinto post pra i mutons sota 14 ani.
Tanja y Thea Wanker ië ruedes settima y ottava tla medema categoria dla mutans. Chisc trëi ië perdrët biatlec che à tëut pert a chësta garejeda ajache i ova nia na si garejeda. Nce autra scuadres de biathlon ië unides a fe pea sciche l Antholz o l Ridnaun y n muësa di che i se à tlassifichà scialdi danca tla tlassifiches.

Na boniscima prestazion on udú da Vivien Franzoni tla categoria U18. Ëila à fa udëi che cun gran ardimënt y ulëntà possun miuré da an a an y nscila sautl nce ora de biëi resultac. L sgondo post de n sada se ala propi meritá. N auter sgondo post udon che à arjont Silas Demez tla medema categoria di mutons. Ël se à sburdlà danter y doi jumblins Oberhofer de Latsch ite. Chisc trëi mutons ië te chësc mumënt desegur i plu stersc te chësta categoria.

La proscima garejeda sul program fossa n dumënia 13 de fauré te Sarntal. Speron che la possa unida fata.

Wener Dejori

Sponsor

Raiffeisen Gherdeina
ITC Raetia sezion Sport GherdëinaCentro Fondo S.Cristina

Foto

Facebook