89 Ai 17 de jené 2024 iel stat l “Longines Future Hahnenkamm Champions Juniors Race” a Kitzbühel, ulache l à fat pea set paejes, de ndut nuef grupes, che ie unides nviedes dal Schi Club de Kitzbühel, che urganisea nce la garejedes de Copa dl Mond. I paejes fova l’Austria, cun trëi grupes, i Paejes Tudësc, la Slovenia, la Republica Ceca, la Svizra, l Liechtenstein y la Talia. La grupes fova metudes adum da trëi mutans y trëi mutons nasciui ti ani 2008 y 2009. L ie unì fat doi garejedes de slalom strënt sun l “Ganslernhang”, ulache nce i atlec de Copa dl Mond fej la garejeda de slalom strënt. L purtoi fova scialdi dlacià y rie da furné. L di dan la garejeda à la mutans y i mutons pedù fé la proes y dut fova urganisà drët a puntin. Per la Talia à pudù jì pea la trëi miëura mutans y i trëi miëur mutons di ani 2008 y 2009 dl Südtirol, tenian cont dla garejes fates nchin a chël mumënt. Arianna Putzer de Sëlva y Matthias Mahlknecht de Urtijëi, doi atlec dl Schi Club Gherdëina che fej la scola ITE Raetia, pudova jì pea y ie unic acumpaniei dala alenadëura Michaela Messner. Tramedoi à fat drët de bona garejedes y la grupa dla Talia se à plazà sun l bon terzo post. Venciù à i Paejes Tudësc y al segondo post na grupa dl’Austria. Per i atlec dl Schi Club Gherdëina iel sta na beliscima esperienza y de segur na ntraunida che i puderà se tò pea te si daunì. Miriam Senoner Nicola Zampedri, Matthias Mahlknecht, Alenah Taschler, Arianna Putzer, Victoria Klotz y Noah Gasteiger NA BELA ESPERIENZA PER DOI ATLEC JËUNI DE GHERDËINA A KITZBÜHEL SCHI CLUB GHERDËINA 2024/25
RkJQdWJsaXNoZXIy Mjc0Mjk=