83 2024/25 Cie ie pa perdrët la nueva „Team Combined“ y co fova pa l‘atmosfera al travert a aspité ti cumpani che à garejà tl slalom strënt? Te chësta disciplina nueva dl schi alpin iel n “team” de un n atlet che fej la disciplina asvelta (libra o Super G) y l auter atlet fej l slalom strënt. I doi tëmps metui adum fej la tlassifica dl “team”. Canche fova l mumënt che mi cumpani ie pià via fovi scialdi plu nervëus che no dan pië ju nstës tl Super G. L fova propi na atmosfera stramba al travert y canche la bedaia d’or fova segura sons cun duta nosta grupa sautei ite tl travert. Co te a pa sapù a pudëi tò pert a ti prima garejeda de Copa dl Mond a Saalbach pra la fineles? Pudëi pië via pra na garejeda de Copa dl Mond coche à fat mi genitores, ie for stat n mi sëmi da canche fove pitl. Pudëi realisé chësc sëmi ie l mascimo. Ciuna aspetatives es’a per l daunì? Rujené de aspetatives me sà mpue burt, dijësse plu obietifs. Un de chisc obietifs ie segur furné ti 10 plu suvënz tla Copa Europa y fé esperienza de Copa dl Mond!
RkJQdWJsaXNoZXIy Mjc0Mjk=