82 SCHI CLUB GHERDËINA Te ësses’a mei mpensà de vëncer trëi bedaies ai Campionac dl Mond Junior 2024 a Chatel tla Franzia? La resposta senziera ie no. Savove che ove de bona pusciblteies de n vëncer una, ma che ala fin nen ei venciudes 3 ie vëiramënter beliscimo. Te foves un di favoric per na bedaia tla disciplines asveltes. Conta ma mpue coche te sentives do avëi vent la bedaia de bront tla libra y cie che te aspitoves dal „Super G“ y dala „Team Combined“? Dijon che la bedaia de bront tla libra fova na bela liberazion, ma mpo fovi mo cun l focus defin sun l Super G, che ie la disciplina che al mumënt me garata de plu. É purvà a fé dut al miec y che é venciù la bedaia d’or fova da stramp bel. Dal Team Combined ne savovi nia drë cie me aspité. Davia che urmei l mie ovi fat ne fovi nia tan nervëus, ma aspité al travert y udëi mi cumpani Edoardo Saracco che furnova ju tl slalom strënt ie per mé stata una dla majera emozions; al traviert ie Edoardo ruvà ju prim. Co iel pa stat a vëncer doi bedaies d’or tl medemo di? L fova n beliscimo di cun de gran emozions. Mi mami me à monce dit che “canche la va, pona vala” y n chël di de fauré 2024 iela propi jita. intervista a MAX PERATHONER TRËI BEDAIES, DOVES D’OR, AI CAMPIONAC DL MOND JUNIOR DE SCHI ALPIN Y PRIMA GAREJEDA TE COPA DL MOND PER MAX PERATHONER
RkJQdWJsaXNoZXIy Mjc0Mjk=