Schi Club Gherdëina Raiffeisen - 2024/25

38 SCHI CLUB GHERDËINA L SCHI CLUB GHERDËINA: LA LIA SPORTIVA PER L SPORT DA D’INVIERN Śën che feter duc à rumà via si schi, à l Schi Club Gherdëina abù d’aurela de tenì si senteda generela. N merdi ai 11 de juni àn nce lità n cunsëi nuef, Lidia Bernardi resterà inant la presidënt. Do vel’ furmalità, fòvel da mudé l statut per vester al orden cun la regules dla riforma dl sport. Do che la presidënta à saludà duc chëi te sala, scumencian sambën dai atlec, trainer, genitores, l cunsëi y l’autoriteies, àn riesc dat la parola al’autoriteies per i saluc. Da dedò àn audì dla situazion dla lia da pert dla presidënta Bernardi y sambën nce da pert de duc i respunsabli dla sezions desfrëntes. L Schi Club Gherdëina ie ti ani passei for inò chersciù, al mumënt rejónen de disciplines nueves desfrëntes, n cëla de fé crëscer 225 atletes y atlec partì su te 27 grupes, zënza se desmincë di sportifs: ves che ie te scola ITE. 41 trainer se cruzia de pité n program aldò, al mumënt possa la lia mustré su 23 atlec:tes te de plu scuadres naziuneles. Nsci se àn chësc inviern nce davanià la prima posizion tl Campiunat VSS, pra l Raiffeisen Grand Prix, dal Marlene Cup, pra l Raiffeisen pudejé Cup y tla Slopestyle Tour. Sambën possa chësta gran grupa mé purté si resultac sce duc juda dassënn pea, de plu i respunsabli tla disciplines desferëntes. L vizepresidënt dla lia, Werner Dejori, se cruzia danter l auter di mutons y dla mutans che fej saut, cumbinazion nordica y dl zënter sun Pana, Diego Runggaldier ie l respunsabl Freestyle y Georg Rabanser per l pudejé. Edi Piazza se cruzia dl biathlon y Luciano Montrucoli de chëi dla peves. Karl Heinz Goller ie l respunsabl dl schi alpin y Angelo Senoner dla brosciura, l liber che l Schi Club dà ora uni ann d’autonn. Alex Linder y Gerry Demetz se cruzia di 16 pulmins, y per chëst ann n uélen cumpré mo doi sëuraprò. Marco De Nardin se cruzia dla cassa. DE BON RESULTAC Ntan la senteda generela àn sambën nce rujenà dla ITE Raetia, che ie śën bele 18 ani incà nce n Ski College y che ti dà a trueps sportifs l mesun de jì inant cun la scola fajan sport. Na bela cumpëida de sculées y sculeies dla ITE, sezion sportiva, à venciù vel’; bedaia, cun vel’; plazamënt da marueia. Dut chësc à sambën si cosć, si spëises. Perchël pòssen propi dì che l Schi Club Gherdëina ne n’ie nia na lia coche duta l’autres. Cun n bilanz che passa via la milion de euro iela dessegur una dla lies plu mpurtantes dla valeda. N chësc cont àn nce prejentà n sponsor nuef, l plu mpurtant sarà tl daunì na banca

RkJQdWJsaXNoZXIy Mjc0Mjk=