Schi Club Gherdëina Raiffeisen - 2021/22

N lunesc, ai 7 de Juni, iel stat te Sëlva la reunion generela dl Schi Club Gherdëina. Vela dl cunsëi nuef: gran pert di cumëmbri de cunsëi fej inant. L ie uni rujenà enghe dla sezion dla lueses, udron sce la ven a sl de. La presidënta Lidia Bernardi à pudù saludé 150 persones unides adalerch, cuntingentedes pervia dla mesures de segurëza. I autri à pudù ti cialé ala senteda via internet. A inuemde si cumpanies y di ambolc di Chemuns de Gherdëina à l assessëur per l sport y vizeambolt de Sëlva Ivo Insam abù paroles de lauda y de rengraziamënt per l lëur dl Schi Club Gherdëina, nscila nce l presidënt CONI de Südtirol Alex Tabarelli. LA PAROLA ALA PRESIDËNTA LIDIA BERNARDI »Dal’ultima senteda generela iel passà iusta n valgun mënsc, dala senteda cun vela dl cunsëi bele trëi ani. L ie stat n beliscimo cunsëi, duc à laurà pea cun gran pascion y ulentà. L ie stat n bel tlima danter nëus y son stai gën deberieda pra sentedes, manifestazions y garejedes (tl ultim ann demanco, cieche me sà da stramp da muië) y sambën tl mëter a jì alenamënc, che ie per nëus la cossa plu mpurtanta. Ulësse rengrazië duc canc che nes à for dat na man: la grupa che mët adum l cudejel y sambën nce duc chëi che à fat retlam y che fej retlam uni ann.« N generel à Bernardi rengrazià duta la istituzions publiches y privates che à dat naman. I ALENAMËNC La presidënta à sotrissà la deficulteies dl inviern passà, ulache n ie mpo stac boni de fé i alenamënc, sun Dantercëpies, Risaccia y Mont de Sëura, per l schi alpin. Bernardi: »N gra de cuer ai patrons de chisc mplanc portamont. Nce tl’autra disciplines àn pudù tré tres l training regularmënter, ora che pra i mëndri, n gra de cuer a duc i trainadëures. N gra de cuer nce ala Lia de Turism de Sëlva, che nes à dat l mesun de fé i tesć Covid per duc i atlec i trainadëures.« Bernardi à oradechël auzà ora cun legrëza che l ie bën 23 atletes y atlec tla scuadres naziuneles desferëntes. L »SKI COLLEGE« DL ITE RAETIA Bernardi: »Zeche che me sta dassënn a cuer ie nosc ITE Raetia a Urtijëi, che ie ntant unì recunesciù coche »Ski College« ufiziel, ulache l ie uni ann for plu y plu sculées y sculeies che uel jì te chësta scola. Per l ann de scola che vën fòvel tan de dumandes, che n ne à nia pudù tò su duc chëi che à fat dumanda. L fova da fé n test de jì cun i schi y per la pert motoria nce te palestra, da dedò nce n colloquium cun i prufessëures y la diretëura Monica Moroder, te trëi rujenedes. La prima tlas dal sport dl ann de scola 2021/2022 ie generela dl schi club gherdëina Cunsëi nuef dl Schi Club Gherdëina nscila plëina, cun 25 sculées y sculeies.« Bernardi à auzà ora l gran lëur de duc i cunselieres dl cunsëi dl Schi Club, che cuordinea y urganisea l program de sport dla scola, dut cun lëur de ulentariat, debant: »Zënza nosc cunsëi dl Schi Club ne savëssi nia coche n fossa boni de jì inant cun la sezion dal sport tl ITE Raetia. Sambën n gra de cuer ala diretëura Monica Moroder y a duc i nsenianc.« PURTOI PER ATLEC La presidënta Bernardi ti à pona dat inant la parola ai derijënc de sezion. Danter l’atività »urdinera« de alenamënt y de garejeda, per chëla che l ie nce unì mustrà de biei videos, iel sautà ora vel’ cunscidrazion y pruposta nteressanta. Nscila per i Campiunac dl Mond dl 2029 teGherdëina, sce i ëssa da unì a s’l dé, de cialé che l sibe un o plu purtoies mé per la atletes y i atlec de schi alpin dl Schi Club, ajache nchinamò ie duc i purtoies mé tlo per la nalità turistica, nscila l caposezion dl schi alpin Fredi Demez. PUDEJÉ Pra l pudejé ie l nteres de cër’ velch jit de reviers, a livel agonistich y l Schi Club uel cialé de tré su inò la sezion. A livel amatoriel, al incontra, iel stat n gran nteres, dantaldut te chësc inviern de Covid, ulache trueps, n valguni nce che ne ova momei purvà a pudejé, ti ie jic do a chësc bel sport, da coche à sotrissà l caposezion dl pudejé, saut y dla cumbinazion nordica Werner Dejori. 38 SCHICLUB - GHERDËINA 2021|22

RkJQdWJsaXNoZXIy Mjc0Mjk=