Schi Club Gherdëina Raiffeisen - 2023/24

La plu bela festes dl schi club ie sambën canche zachei de nosc atlec vënc y porta a cësa na bedaia o copa. Ma l cunsëi cëla ënghe de mëter a jì tel pitla festes, per cialé de judé do mpue la cassa. Nëus on spëises ntan dut l ann che ie ruvedes a n nivel nia da se nmaginé. Messon te chësta ucajion rengrazië duc i sustenidëures che ie da udëi tl liber, sui pulmins y sun l furnimënt y nce chëi che ie unic a una dla doi festes dl schi club. LA FESTA DE FIN DE SAJON AI 01.04.2023 D’ansciuda ons pudù, cun l sustëni dl’azienda de Sëlva, fé la festa de fin dla sajon ta Col da Mulin. La festa ie unida fata deberieda cun la Hockey de Gherdëina. L’azienda à fat unì adalerch deplù grupes che ciantova, danter l auter nce la grupa “Melissa Naschenweng”, grupa che sona l’armonica y che ie scialdi cunesciuda ti paejes tudësc. Ala festa ie ruveda ngrumon de jënt che ie unida a scuté su y a se bever velch pra un di stonc dl Schi Club y dla Hockey. La doi lies à debujën de davanië velch y te chësta ucajon à sambën dut l cunsëi, ma nce alenadëures y genitores judà LA FESTES dl Schi Club Gherdëina pea dassënn a na maniera che garate la festa. Ulessan rengrazië duc chëi che ie unic a sustenì la lia dl Schi Club, te chësta ucajion. L STONT DL SCHI CLUB PRA MARCIÀ DE SEGRA SACUN AI 09.10.2023 N lunesc pra l marciá de Segra Sacun ova chëst ann l Schi Club Gherdëina n stont dan la butëiga Sport Schmalzl de Urtijëi. Nce te chësta ucajion ie ruveda na drëta tlapeda de jënt ntra dut l di a se tò n got pra l stont dl Schi Club. Ulessan sambën rengrazië dassënn duc chëi che ie passei da nëus. Rëngrazion duta la mutans y mutons che ie jic a vënder pëires y duta la l'omes che a juda a meter adum i sachetli dai pëires. Rëngrazion ënghe Maria per la bela rojules che la nes a dat. Angelo Senoner 209 208 Schi Club Gherdëina 2023-24

RkJQdWJsaXNoZXIy Mjc0Mjk=