Schi Club Gherdëina Raiffeisen - 2023/24

JITA DL CUNSËI DL SCHI CLUB N sada ai 22.04.2023 ons fat la jita de chëst ann dl cunsëi. I schi ne n’ie mo giut nia metui via y cun plajëi se ons lascià nvië da un de nosc sponsors a Vicenza per jì a maië pësc. Sambën che jì ndrët a Vicenza fova mpue lonc y nsci sons tlamei a Soave te n tel bel ciulé dai vins a cialé sce i ova velch de bon da fé na viva. Tla Cantina del Castello a Soave se ons riesc abinà na bela tlapeda pra n bon got de vin. Do na pitla ciaculeda y do avëi ciarcià vel’ vin sons pona furnei inant de viers dl Comune di Camisano Vicentino, nia dalonc da Padova, n pitl luech ulache l vën ënghte fat de bon vin. Tlo se ons urtà tla Locanda alla Torre da Zemin cun nosc sponsor, Alessio Duca di San Giusto, che se à nvià ite a maië na bona marënda de pësc. La cumpanìa fova blòta, l fova pea i mëmbri dl cunsëi y chiche ulova ova chëst iede pudù tò pea la fenans y i uemes, che muessa for avëi mpue de pazienza y ënghe judé ntëur ite canche chëi dl schi club à not. A unì de reviers da sëira, sons mo tlamei -per slungë mpue la giames- a Peschiera del Garda, a fé n doi fotos y a cialé mpue coche la ti va a chëi dl Garda. Blòt iel stat, a n’autra plu bela Angelo Senoner dl'ann 2023 Grazie Alessio per l'invito! 205 204 Schi Club Gherdëina 2023-24

RkJQdWJsaXNoZXIy Mjc0Mjk=