Schi Club Gherdëina Raiffeisen - 2021/22

Dott. Tobia Moroder - Ambolt de Urtijëi Roland Demetz - Ambolt de Sëlva Christoph Senoner - Ambolt de S. Cristina Walter Alfarei - Assessëur de Ciastel n salut dai ambolc de gherdëina y dal rapresentant dl chemun de Ciastel Stimeda atletes y stimei atlec, stimeda y stimei trainadëures, stimeda respunsables y stimei respunsabli dl Schi Club Gherdëina, duc nëus union ora da na situazion defin particulera, per trueps vieres ncherscëula, che nes à metù duc canc dan de gran ndesfidedes. Iust per chiche fej atività cun la lies y che te chësc ultimann ymez àmessù se cruzië dla urganisazion dl’ativiteies tl respet dla normes scrites dant, iel stat n ann sfadiëus y ntort. Ma propi ajache on messù renunzië ala vita da uni di y nsci nce a dut chël che vën pità uni di dl ann dala truepa lies de Gherdëina, se ons povester rendù cont de ce richëza che on per drët a pudëi pratighé d’uni sort de sporc, a pudëi jì a d’uni sort de manifestazions cultureles, a sozialisé cun d’autra persones te n cuntest de aurela curta y de tëmp liede. Povester se ons nsci nce rendù cont de ciuni che ie i drë valores che dëssa nes avisé tres la vita te na cumenanza. Ulësse nsci sambën nce chëst ann ve fé i miëur augures per la sajon sportiva che scumëncia y ai atlec jëuni dantaldut ti mbincé de vester boni de ti jì permez cun legrëza y cun na gran ueia al sport che i à cris ora, de resté nton y de arjonjer, uniun per si livel y si cualiteies, n valguna sudesfazions persuneles, tla cunsapevulëza che l resultat sportif ie mé un n aspet dl sport. Ma pra l sport toca nce la cumpanìa, i mumënc passei deberieda, la lezions de vita, l mparé a pierder y a tenì dur, l fé matades y n.i., mumënc che ie almanco tan de mpurtanza tla furmazion persunela coche l resultat sportif! Ai trainadëures ti mbinci de abiné la drëta paroles per motivé for inò da nuef i jëuni che vën docà y de vester boni de ti dé pea i drë’ valores dl sport, acioche l crësce daujin ala capaziteies sportives nce chëles persuneles de uni sportif. Y nia per ultimo ulëssi rengrazië duc chëi che tira i fii bele giut dan che scumëncia la sajon dla garejedes, che se cruzia di papieresc y di finanziamënc y che à dut ntëur na gran respunsabltà per mené inant la lia. Aduc cancmbinci inant la forza y la ueia de splané la streda a duc chisc jëuni, che à n sëmi mpurtant da ti jì do ma che dëssa nce crëscer, tres l’atività dl Schi Club Gherdëina, te si persunalità. Tobia Moroder Ambolt de Urtijëi 18 SCHICLUB - GHERDËINA 2021|22

RkJQdWJsaXNoZXIy Mjc0Mjk=