17 N SALUT DAI AMBOLC DE GHERDËINA Y DAL REPREJENTANT DL CHEMUN DE CIASTEL Stimei atlec y trainadëures dl Schi Club Gherdëina, stimei sustenidëures y apasciunei de sport l ie for inò n gran plajëi pudëi scrì paroles de salut y rengraziamënt a inuem di Ambolc de Gherdëina y dl reprejentant dl Chemun de Ciastel, te chësc bel cudejel. Chësc documënt nes mostra uni ann tanc che ie i atlec, dal mënder al majer, te plu disciplines. Vester pra l Schi Club Gherdëina ie per i plu pitli na bela ucajion de devertimënt fajan sport mparan nce truep per l daunì. Truepesc atlec che à scumencià da pitli te chësta lia, ie stac boni de tò pert a garejedes sportives a livel naziunel, nternaziunel y nce mundiel, purtan nce a cësa de biei resultac. N gran rengraziamënt ti va ai respunsabli tl cunsëi, ai trainadëures, ai genitores y a duc chëi che a vel maniera sustën l’ atività de chësta lia. L Schi Club Gherdëina ie de gran mpurtanza per duta la cumunanza. Per la sajon sportiva che à da unì ulësse ti mbincé a duc canc dut l bon, truepa legrëzes y sudesfazions. Christoph Senoner Ambolt de S. Cristina TOBIA MORODER Ambolt de Urtijëi CHRISTOPH SENONER Ambolt de S. Cristina ROLAND DEMETZ Ambolt de Sëlva WALTER ALFAREI Assessëur de Ciastel SCHI CLUB GHERDËINA 2024/25
RkJQdWJsaXNoZXIy Mjc0Mjk=