Schi Club Gherdëina Raiffeisen - 2021/22

sci o cërc no y nsci me tulovi saurì zachei de contra. I juesc me à perdrët duc sapui bëndebò biei. Sambën che i plu riei fova chëi ulache ne fove nia bona de vëncer. Danz che viver adum cun tan de persones desfrëntes te chëla situazion ne fova nia saurì. L fova suënz da tò la dezijion sce dì zeche o sce l fossa stat miec a scuté. Chël che me dajova forza fova l pensier a mi familia y ai bon cumpanies che é a cësa y po savovi te uni mumënt, che chësta situazion fova mé per n cër tëmp y che ngalin finovela via, canche i spetadëures me ëssa mandà a cësa tres l televoto. Cie che me dajova l plu mpaz, fova che vel dis, dantaldut canche fan daujin ala luna colma, passova cënc de tei gran granchi rosc y oranceni de nuet sun spiagia. Nëus durmian sun fonz sun na ploha sutila de stram. I jiva dal bosch, ulache i viv, ju dal’ega y inò de reviers passan sëura nosc corps via y ne se lasciova nia durmì. N iede me ei descedá ajache nen sentive un su per la giames bel sainsom. Daldò ovi udù che l nen fova monce doi y n auter iede nen ovi un sota la malieta ora per l brac. Y chësc, nce sce cialan de se stlù su dut l corp cun i guanc, a na maniera che i ne fossa nia ruvei ite tan saurì. L bel ie che me é dassënn usà ai tieres. Ntëur nëus ite ans n grum de “iguana”, chëi ie medemi sciche i “leguane”, ma i deventa mé granc nchin a feter 90 cm. Datrai udans nce beches y tel gran aranies sciche i é mé udù tla televijion y tl zoo. Ai scorpions messans mëter dassënn verda a jì a lënia, che chëi ie da tuesse. Nen é suënz abinà de tei sota trames ite, ma la à for butà. Nce tl mer passova uni tant na raza bel dan nëus via, che l fova na marueia da udëi. Tl’aria julova tei gran uciei che viv sun l’ega y tei pitli colibri vërc scures biei lucënc. Ne desminceré mei la belëza dla natura daduman, via per l di, da sëira y de nuet. An truepa dl’aurela ntan la 24 ëura de n di y for cialovi de me goder uni mumënt usservan i biei culëures dl mer, dl bosch y dl ciel da uni ëura. Me gudove l bon ciaut dl surëdl y l vënt che me suflova tl mus da sëira y de nuet, nchin che l ne fova nia massa sterch. Chisc lecorc ie chëi che ie restei l plu sot te mé, ajache i ie i plu biei. Tumeda ora sons pona tla semifinela al scumenciamënt de juni y son rueda a cësa ai 10 de juni, ajache é mo messù sté iló per la finela. Isolde Kostner 165 SCHICLUB - GHERDËINA 2021|22

RkJQdWJsaXNoZXIy Mjc0Mjk=