Schi Club Gherdëina Raiffeisen - 2021/22

Bele dan n valgun ani me ova damandà la produzion tres mi managera di tëmps che fajove mo garejedes, sce ulësse fé pea pra “l’isola dei famosi”. Nce sce savove che ne ësse nia pudù tò pert per via di mutons pitli y dl lëur, me ovela cunsià de fé pea l casting. A chësta maniera me ëssa ëi mparà a cunëscer y povester me ëssi n di o l auter damandà per vel’ trasmiscion. Nsci iela stata. Ti ultimi ani me ai damandà 2 iedesc sce ësse ulù fé pea pra la reality show “Pechino Express”, ma é for dit de no. Chësc inviern, al scumanciamënt de merz, ai po inò cherdà su mi managera, ti dijan che i adurvëssa na atleta propi dal carater sciche l mie per fé pea pra l’ijula dla jënt cunesciuda. Al scumenciamënt ovi mé n 5 dis de tëmp per tò la dezijion y nce sce la fossa jita per l lëur, ajache an pu l garnì stlut, ne fovi nia bona de dì che jive, per via de mi mut mënder, che ova permò 4 ani. Ie savove pu che l ëssa pudù vester che stajove demez plu de 2 mënsc y i me à dat vel’ di de plu da pensé do. L fova na dezijion dassënn ria da tò y ala fin sons jita. Nsci sons pieda via ai 23 de merz. Messove mo fé 2 enes de carantena dan jì sun l’ijula: una ei fat a Milan y l’autra tl Honduras. Ai 5 de auril sons po rueda sul’ijula ntan la trasmiscion n direta tla televijion taliana cun n saut dal jolter ju tl mer. Trueps naufrags me à tëut su scialdi bën. Purempò sentivi inò l prim iede chël sentiment, che ove abù cun12 ani al Trol’ijula dla jënt cunesciuda Isolde Kostner feo Topolino, ulache fove stata bona de ruvé ite pra la finela nternaziunela y fove ruveda te majon cun 2 mutans dla Talia che fova doi ani majeres de mé y che ne ove mei udù dant. Nce ntlëuta, sciche sun l’ijula ti primes dis, savovi che l ne me suzed pa nia, ma l sentimënt de vester danter fulestieres y de ne avëi deguni daujin a mé che cunescësss miec, ne me fajova nia sté bën. Tosc ei pona mparà a cunëscer mpue miec i autri é per fertuna abinà n bon cumpani, Roberto, n comich y atëur de Roma de 61 ani. Sambën che cun mé 50 gram de riji al di y cun ch’l puech che abinan da maië, fova n trueps fisicamenter bëndebò dala fiaca. N valguni sautova saurì ora dla cola per de tel piculëzes ajache i fova nervëusc per gauja dla fam o, chi che fova usei a fumé, ajache i ne giapova nia da fumé. Ёnghe a mi me savova de avëi na gran fiaca. Chësc ne fovi nia useda, ajache a cësa sons una che ne sta mei chieta, ma cavia fossi datrai stata punduda gran pert dl di. Povester ne semiovel nia nsci per chëi che cialova da cësa, ajache do n 2-3 enes ei scumencià a vëncer duc i juesc che fajan tla diretes televijives. Bonamënter fova i autri mo plu fiachi de mé. Posse dì, che ovi ti juesc tan na ueia de ti vester a duc, che me fajove datrai nstëssa marueia de avëi mo na tel artenienza de tenì tres. Ie pensove mé for che ne zede nia y basta. Nsci me ala suënz butà y son stata n valgun iedesc la leader nchin ala diretta televijiva n trei dis do. Da leader messovi suënz tò dezijions bëndebò ncompres, messan crì ora cërc 164 SCHICLUB - GHERDËINA 2021|22

RkJQdWJsaXNoZXIy Mjc0Mjk=