153 Ai 25 de mei se à ancuntà na delegazion dl cunsëi, di trainadëures y di respunsabli de deplù diciplines sportives dl Schi Club Kitzbühl y dl Schi Club Gherdëina. Dala 9 daduman iel unì presenteda l’atività de tramedoi schi clubs, tramedoi mët a jì l program sportif tla disciplines schi alpin, pudejé, saut, combinazion nordica, biathlon, freestyle, schi alpinism y telemark. La defrënzia danter i doi clubs ie che l Schi Club Kitzbühl mët ënghe a jì la garejedes de Copa dl Mond Hahnenkamm Kitzbühl y à nsci na gran atività ënghe urganisativa a livel aut. L ie stat drët nteressant, ajache n cont di alenamënc di atlec y dla atletes iel pa feter l medemo per chël che reverda i problems y i cruzi. L diretëur dl ITE Raetia, Bernhard Flatscher, à mo presentà l Ski College ITE Raetia y la bona culaborazion danter scola y Schi Club Gherdëina. Do che la grupes de lëur de duta la disciplines sportives se à metù adum y se à giamà ora, iesen mo jic duc deberieda sun Resciesa a marënda. L ie stat n bel di che à purtà ueia de jì inant y de cialé for de miuré l’atività de tramedoi Schi Clubs. Sambën che la bona culaborazion jirà inant cun vel’ ancunteda y training deberieda da nëus o da d’ëi a Kitzbühl. Lidia Bernardi ANCUNTEDA SCHI CLUB KITZBÜHL Y SCHI CLUB GHERDËINA SCHI CLUB GHERDËINA 2024/25
RkJQdWJsaXNoZXIy Mjc0Mjk=