Schi Club Gherdëina Raiffeisen - 2021/22

Te Gherdëina iel truepa lies sportives da d’inviern, y danter chëstes nen iel de grandes y de mëndres, che porta dutes pro a purté i jëuni a fé atività motoria y nce a se cunfrunté sozialmënter. Sambën che n valgunes à n numer scialdi grant de atlec y atletes, ciche depënd da si bona urganisazion dla lia, y n pert nce dal fat che n se dà ju cun disciplines sportives che à na gran mpurtanza economica, sciche p.ej. l Schi Club Gherdëina. De autres, sciche Lueses Gherdëina, ne n’à nia chësta puscibiliteies y se stënta datrai dal pont de ududa pratich y organisatif. Davia de chël se à ultimamënter i respunsabli dl Sci Club y de Lueses Gherdëina abinà n valgun iedesc, cialan sce l fossa mesun fé na sort de fujion danter chisc clubs, a na lueses maniera che Lueses Gherdëina deventëssa pert dl Schi Club Gherdëina. N ie perchël tl lëur de studië i vares formei che n muessa fé per arjonjer chësta nueva union, che unirà a se l dé n auter ann. L ie nteressant savëi che te Gherdëina fovel unì metù su bele dl 1896 n “Rodelclub”, y che da chësc se ova pona svilupà inant n “Skiclub”. Tres chësta fujion unissa i doi club inò a vester un. Per Lueses Gherdëina iel dessegur na bona pudëi deventé pert de na urganisazion tan mpurtanta, purtan nce n arichimënt sportif per l Schi Club Gherdëina. Leander Moroder Presidënt Lueses Gherdëina Gherdëina 135 SCHICLUB - GHERDËINA 2021|22

RkJQdWJsaXNoZXIy Mjc0Mjk=