11/03/2015
Garejeda de biathlon tla Valeda de Pfitsch
N dumënia, 8 de merz, iel stat tla Valeda de Pfitsch, plu avisa a Kematen, na garejeda de biathlon che valova per l Hubert Leitgeb - biathloncup. La garejeda te Pfitsch fova na cumpetizion individuela, y perchël scialdi zitia, ajache l stlupeté ie mo de majera mpurtanza che zënza.
Nosc atlec s'à inò n iede desmustrà plutosc melsegures pra l stlupeté y do la rata boni de pudejé. A chësta maniera àn arjont resultac mesanmënter boni, povester mpue massa dalonc dal podest, ezezion fata per Nina Nocker che tla categuria baby à venciù do la rata saurì. Da dì iel che Nina fova la plu jëuna de si categuria y sëuraprò se tratovel de si prima garejeda de biathlon! Ëila ie la sor de Linda y fej pert, deberieda cun d'autra mutans dla grupa "avviamento" cun i trainadëures Romina Demetz y Martin Planker. La vënta de Nina ie, povester, un di prims fruc de si bon lëur.
Resultac
Mutans 2006/2007 (Baby)
1. Nina Nocker
Mutans 2004/2005
6. Samira Major
Mutans 2002/2003
6. Gaia Brunello
7. Ylvie Perathoner
8. Denise Planker
12. Sophia Planker
Mutons 2002/2003
6. Elia Demetz
7. Michael Riffeser
9. Samuel Prinoth
12. Raffael Insam
Mutans 2000/2001
7. Linda Nocker
