biathlon

08/01/2024

Diletta Broll toca n sada 20 colpsc sun 20

garejeda naziunela a Forni Avoltri

Ënghe i majeri atlec dl biatlon à dò la festes ino scumencià cun l medemo druch sciche dan Nadel. L fova chësta la 3. tappa dla coppa Italia a Forni Avoltri, y sun l prugram fovel n sada l individuale y n dumënia l sprint.

De n sada iel da sotrissé la prestazion de Diletta Broll, che dai giovani à arjont n beliscimo 3. post, restan n chël di l unica atleta a zilé 20 colpsc sun 20.
Dai Juniores a Denise Planker arjont l 4. post, y Gaia Brunello l 9. (tramedoves ie pra l Esercito).
Dai aspiranti ons sibe dai ëi che dal ëiles 3 di nosc te i primes 10, lecurdan for che chësta ie na competizion a livel naziunel.
Tlo fovel Wanker Tanja 5., Wanker Thea 7. y Anvidalfarei Anna 8.
Dai ëi Fontana Alex 5., Galiani Aron 7. y Tirler Rene 10.

Ënghe de dumënia ala inò butà dabestia.
Gaia Brunello ie ruveda 2. y Planker Denise 12.
Diletta Broll dai giovani à fat n bel 6.post, y dai aspiranti Thea Wanker 9., Tanja Wanker 11. y Anvidalfarei Anna 13.
Galiani Aron ne a falà nianca n colp, y se a merita n grandiscimo 3.post cun na bona prestazion monce sun i schi. Alex Fontana fova ënghe veloce sun y schi, ma a stlupeté ti ala leider mpue sciacà, purmpò iel 14. y Tirler Rene se a batù drët bën ruvan me puech dò 17.

Leprò ons mo n jeunn dla Ucraina che se allenea cun l Schiclub Gherdëina, y possa nsci ënghe fe pea la garejedes. Pidruchnyi Maksym se à classifica 40. n sada, y 42. n dumenia.

N cumplimënt mo a duc nosc atlec y na gran lauda ai traineri. For inant nsci! Bravi! (edi)

classifica individuale

classifica sprint

Sponsor

Raiffeisen Gherdeina
ITC Raetia sezion Sport GherdëinaCentro Fondo S.Cristina

Foto

Facebook