21/01/2013
VSS- gara de slalom sun Sochers
20.01.13 Enghe sce l temp ne fova nia tan bel y l nevova bel fin, ne se a nosc atlec nia lascia nfluenze y a repurtá sciche for, de bon resultac. Pra l segondo slalom ai inó pudu´se musré cun de bon atlec dla zona 3 de Südtirol.
Da auzé ora l bon 3° posct de Melanie Perathoner (do la doi boniscimes atletes dl Gitschberg) 5° Nicole Nogler Kostner, 6° Jamie-lee Pellizzari, 8°Elena Delago y 10° Elena Piazza.
Dai mutons se á Marvin Avesani me lasciá bater da Lukas Mitterrutzner de Feldthurns. Aaron Senoner se a tlassifica al 3° posct, 4° Matthias Comploj, 5° Jacopo Bernardi, 6°Sebastian Demez, 7° Jordi Triulzi y 9° Plancker David.
Coche udeis, ie nosc atlec dl SC Gherdeina Saslong tla tlassifiches for bendebo danca....cumplimenc y BRAVISCIMI a vo duc!!!
Pra la classifica dla societá ons inó venciú cun n gran vantaggio de 565 ponc dan Gitschberg Jochtal y Feldthurns.