30/01/2023
Slalom lerch FIS per jeuni sun Bulacia/Mont Seuc - na bela vënta per Ivan Kerschbaumer
Per i atlec dl Schi Club Gherdëina al cialà ora de beliscimi risultac
N dumënia ai 29 de jené à l Ski Team Seiser Alpe metù a jì a puntin y cun na drëta profesionalitá sun Mont Seuc sun l purtoi ërt da Bulacia na garejeda FIS junior de slalom lerch, che vel per la tlasifica dl Marlene Cup. Marlene Cup che ie pensà per i jëuni sota i 21 ani. Pra chëstes garejedes de slalom lerch à fat pea i mieures y la mieures de chëi ani de Südtirol y ënghe tei da oradeca, perchël na garejeda drët nternaziunela.
Ti cialan ala tlasifica finela de duc i partecipanc veigun danter i primes plù atlec y atletes dl Schi Club Gherdëina sculeies y ex sculeies dl Ski College “Raetia” de Urtijëi. Da auzé ora ie sambën l prim post tla categuria aspiranc de Ivan Kerschbaumer y l segondo de Fabio Grossrubatscher, 4. ie ruvá Manuel Kofler y 5. Mike Rifesser. Tla categuria dla mutans à venciú Rita Granruaz dl Ski Team Alta Badia dan Virginia Costa. Pra la majeres dl cat. Junior ons al prim post Laura Sellemond de Feldthurns, al segondo Chayenne Kostner, terza ie ruveda Magdalena Pircher, ënghe eila che garejea per l Schi Club Gherdëina. 5. Nicole Ploner y 7. Ellis Pellizzari. Pra i gran mutons ie Marc Comploj ruvá boniscimo terzo y Gianluca Testa 6.
Dessot la tlassifica
https://www.fisi.bz.it/it/dettaglio-gara-96.html?raceID=8738
