alpino

03/02/2020

Garejeda de slalom strënt VSS sun Piz Sella

Arianna Putzer fesc l mieur temp dl di

L tëmp ne ëssa nia pudù vester plu bel per la garejeda VSS de raion (zona III) de slalom strënt per la categories Cuccioli U12 y Baby U10, metuda a jì dal Schiclub Gherdëina ai 02.02.20 sun Piz Sella. L purtoi fova njenià ca a puntin y i mutons ne aspitova l'ëura de pudëi se museré un cun l'auter sun chësc bel purtoi.

Dala 10:00 mpont pona à metù man la prima dla doi garejedes per la categoria Cuccioli U12, ulache Arianna Putzer ie deventeda prima, furnan l mieur temp dl di. Cuinta dla categoria mutans ie ruveda Nicole Piccolruaz, sesta Nives Runggaldier y setimes Elisa Broll y Romy Shahini cun le medemo temp.

Tla categoria mutons udons al prim post Luisi Plancker, al segondo post Manuel Senoner, al cuarto post Christian Kostner, al cuinto post Valentin Petritsch y al setimo post Aron Mantinger.

Stlut ju chesta garejeda fovel bel da pensé ala proscima sun l medemo purtoi, che piova via n ëura plu tert. Per i mutons fovl de mpurtanza a prué a fé bën nce chësta segonda garejeda ajache a desferenzia dla prima che cuntova me per i ponc VSS, univa la segonda garejeda nce premieda. Y bel mpont ti àla butà dassën ai mutons y ala mutans dl Schiclub Gherdëina nce tla segonda garejeda.

Al prim post dla categoria mutans udons inò Arianna Putzer, al terzo post Romy Shahini, al cuarto post Piccolruaz Nicole, al otavo post Nives Runggaldier y al decimo post Carol Demetz. Tla categoria mutons à Plancker Luisi inò cunfermà si prim post, Manuel Senoner l segondo post y al terzo post udons Florian Schmalzl. Sesto ie deventà Valentin Petritsch, otavo Christian Kostner y nono Matthias Mahlknecht.

N slalom strent ti pitli pei a purtà ora la categoria Baby U10 ulache à fat pea la grupes Fisi de nosta valeda, mutans y mutons njeniei ca dala scoles de schi de Gherdëina. Tla categoria mutans udons al segondo post Denise Demetz, al cuinto post Ines Puntscher, al otavo post Nina Pasquali, al nono post Federica Rigotti y al decimo Vicky Insam. Dai mutons ie Kostner Pascal deventà sesto, Diego Hofer setimo y Piccolruaz Alan otavo.

Cun chisc biei resultac ie l Schiclub Gherdëina stat bon de se davanié nce inò la tlasifca a scuadres cun 526 ponc, dan al ASV Gitschberg (239 ponc) y l ASV Jochtal-Gitschberg (173 ponc).

Cun la premiazion sun Plan de Gralba se à stlut ju chesta blota garejeda, garateda tan bën nce per la bona organisazion dl cunsëi dl Schiclub Gherdëina, l aiut de ngrum de genitores che se à metù a disposizion per vel pitl leur, la Cassa Raiffeisen, l Superskipass Dolomiti, la ustaria Da Tommaso, i mplanc de Piz Sella, la Socrep y la butëiga Conad per i pesc‘. De gra a duc canc!

FOTOS

TLASIFICHES

Sponsor

Raiffeisen Gherdeina
ITC Raetia sezion Sport GherdëinaCentro Fondo S.Cristina

Foto

Facebook