09/01/2023
Garejeda de slalom strënt LandesCup categuria mutans y mutons sun l purtoi Cir te Val. La vëntes va a Nicol Piccolruaz y Matthias Mahlknecht !!!
L Schi Club Gherdëina à metù a ji inier dumënia sun l purtoi Cir te Val n slalom strënc che vel sciche LandesCup ulache á fat pea bën 216 mutons y mutans de dut Südtirol.
I purtoies fova njeniei ca a puntin y la cundizions dla neif fova drët bones. La garejeda ie drët garateda y l schi club Gherdëina à giatá cumplimënc da plù pertes.
Perchël ti va n rengraziamënt ai mplantisc' dl purtoi Cir te Val che nes à dat la pusciblità de mëter a ji chësta garejeda, a Carletto y Rosi dla hutia Ciampac per si disponibilità y a la buteighes Conad, Malsiner Sport y la firma Socrep per i pesc'.
Sambën che zenza i genitores y ulenteres che juda dut ntëur ite ne jissla nia ala mëter a ji dut tan a puntin. Ënghe a d’ei ti va n rengraziamënt, ma dantaldut ie da ti fé i cumplimënc ala cumiscion de schi alpin cun a cë Karl Heinz Goller y si trainadëures per l bon garaté.
Tlo la tlassifica cun i plazamënc de chëi de Gherdëina
