26/02/2020
Campionac provinziei de slalom tla categuries dl Marlene Cup cun la vëntes de Matthias Comploj y Gaby Hofer
Vize campions dl Ski Club Gherdëina ie: Nicole Ploner, Jamie Lee Pellizzari y Raphael Leitner
Beliscimi plazamënc per i atlec y per la atletes dl schi club Gherdëina che va ënghe tla scola sportiva ITE Raetia de Urtijëi, cun doi campions provinziei y trei vize campions provinziei de slalom sun Jochgrimm tla categuries U18 y U21.
Te bën 4 categuries ie unì garejà n sada, ai 22 de fauré per i tituli di mieures de slalom de Südtirol. L titul de campion provinziei tla categuria U18 se à davanià Matthias Comploj cun plù de n secund dan l segondo Jonas Bacher y cun me 14 centejimi dosù udons Max Perathoner. Pra la mutans de chësta categuria ie stata Emma Wieser dla RG Gitschberg la plú asvelta dan Nicole Ploner dl Schi Club Gherdëina y Vicky Bernardi dl Schi Club Ladinia. Duc chisc ie atlec che fej la sezion sportiva dl ITE Raetia de Urtijëi. Gaby Hofer, for dl SC Gherdëina y Simon Putzer dla RG Wipptal à venciù tla categuria U21.
Cun chisc beliscimi resultac à l Schi Club Gherdëina inò venciù ala ngranda la tlasifica di sci clubs.
