salto

23/10/2018

Ultima garejeda da d'instà per i mëndri


Ai 14 de utober à i mutons y la mutans dl Schiclub Gherdëina fat pea na garejeda a Tarvisio tl Friul, l ultima per la sajon da instà.
Drët butà ti ala a la mutans U10 ulache Leonie Runggaldier ie ruveda sgonda y Elena Pasti al 11° post tla garejeda de saut. Tla garejeda dl sauté, pra chëla che la mutans à messù garejé cun i mutons, ie Leonie ruveda cuinta y Elena ie stata bona de se miuré al 10° post.
Tla categoria U12, che sauta dal saut da 20 metri, ie duc i atlec dl Schiclub Gherdëina ruvei ti primes 5: Maximilian Gartner à arjont l sgondo post, Anna Senoner l terzo y Florian Schmalzl l cuinto. La proa de sauté jiva sun la distanza de 1,5 km. Cun l mieur temp ie Florian stat bon de se purté inant al sgondo post. Maximilian ie ruvà terzo y Anna otava.
Tla categoria sota 14 ani vëniel sautà sun l saut HS 30 cun categories spartides danter mutans y mutons. Pra i mutons a venciù Manuel Senoner, Maximilian Gartner se à plazà al 5° post. Manuel ie stat bon de defënder l prim post tla garejeda de cumbinazion nordica.
Pra la mutans ie Camilla Comazzi rueda cuarta deberieda cun na atleta dl Friul. Me un n pont do ëiles se à plazà Anna Senoner che ie una dla plu jeunes te chësta categoria. Camilla ie stata bona de se miuré al sgondo post tla garejeda dl sauté cun l mieur temp de duta la mutans.

Sponsor

Raiffeisen Gherdeina
ITC Raetia sezion Sport GherdëinaCentro Fondo S.Cristina

Foto

Facebook