10/03/2020
Lara bront ai Mundiei Junior de Oberwiesenthal
La jëuna da Sacun Lara Malsiner à venciù la bedaia de bront pra i Mundiei Juniores de saut cun i schi a Oberwiesenthal n juebia ai 5 de merz. Segonda ie Thea Minyan Björseth dla Norvegia, prima l’austriaca Marita Kramer. La sor plu jëuna de Lara, Jessica Malsiner, se à tlassificà 24ejima.
Lara Malsiner ova bele l ann passà venciù la bedaia de bront pra i Mundiei Juniores a Lahti.
Lara Malsiner mantën na tradizion sterscia dl’atletes de Gherdëina pra i Mundiei Juniores de saut cun i schi: Elena Runggaldier ova venciù or tl 2010, arjënt tl 2008 y bront tl 2006. Lisa Demetz ova venciù tl 2007. Evelyn Insam fova ruveda segonda tl 2013, la gran sor de Lara, Manuela Malsiner, fova ruveda prima tl 2017 y Alex Insam segondo tl 2017.
Oradechël fova ënghe Jessica Malsiner, Mattia Galiani y Daniel Moroder a Oberwiesenthal pra i Mundiei Juniores de saut y monce Daniela Dejori per la cumbinazion nordica, duc dl Schi Club Gherdëina!