27/08/2018
Garejeda sun Pana
Manuel Senoner nia da bater
N dumënia ai 26 de agost à l Schiclub Gherdëina metú a ji na garejeda de saut y cumbineda nordica sun Monte Pana. Nce sce l á pluet dassen de nuet y l fova scialdi mol an abu fertuna che ntan la garejedes a l temp lascia fe y n a pudu udëi de bela prestazions. Mpue da muië iel che te chësc mumënt iel tla Talia puec atlec che pratichea chësta disciplina, perchel fovel n dumënia manco atlec che à fat pea permez a dan valgun ani. Purempo pon di che l ië stat n bel di de sport y che dut a butà. Pudon auze ora un n atlet che á venciù duta la trëi garejedes ulache l a fat pea. L se trata de Manuel Senoner, che á batu duc sun l pitl saut, l HS20, y nce sul gran saut, l HS35 fovel nia da bater. Cun 34 metri tla sgonda proa de gara al fat udei l saut plu lonch dl di. Ma si gran pont de forza ië la bela technica dl telemark ulache ël davania de biëi ponc che fej pona la defrënza. El va sambën bel a gareje sun majri sauc, nscila fovel just i dis dant a Oberstdorf a fe pea na garejeda nternaziunela y ulache l á dejmustra si gran talent. Nce sce l fova danter i plu jëuni se al plazà danter i primes 15 sun 60 atlec.
Sce cialon mo mpue la prestazions di autri atlec dl Schiclub Gherdëina pona udon che Florian Schmalzl à purtà a cësa na bela vënta tla cumbineda di mutons sota 10 ani. Tl saut al arjont n bel sgondo post. Maximilian Gartner à fat udëi doi de biëi sauc y se a plaza al terzo post pra mutons sota 12 ani. Camilla Comazzi, nce ëila tla categoria sota 12 ani, dejmostra daniëura de vester dantaldut tla cumbineda nia da bater. Tla proa de sauté ala nce batù duc i mutons y a sambën purtà a cësa l prim post. Tla garejedes de saut iëla ruveda sgonda sibe sun l pitl che sun l gran saut. Anna Senoner a venciù la cumbineda dla mutans sota 12 ani y Leonie Runggaldier a purta a cësa doi terzi plazamënc dala mutans sota 10 ani. Cun chisc resultaci ie per puech nia sauta ora la vënta tla tlassificha a scuadres. Chëla ie jita al Monte Giner de Pellizzano.
