salto

21/03/2017

Doi dis de beliscimo sport pra i sauc sun Pana


N sada y dumënia 18 y 19 de merz iel stat sun Monte Pana doi dis de garejedes de saut y cumbineda nordica. N sada fovl l 6. Memorial Simona Senoner, garejeda naziunela de jëuni dedicheda a Simona Senoner che dan sies ani nes à lascià trué masa abenëura.
La bela cumpëida de 60 atlec danter i set y tredesc ani se à ntan chisc doi dis musrà sun i doi sauc HS 20 y HS 35.
La condizions de chisc fova a puntin, nce sce la tempertatures ciaudes à dat mpue da cë ai organisadëures, dantaldut per la pista de pudejé. Perchël an cialà de tre tres la garejedes l plu debota che la jiva y chël ië nce garata cun l aiut de duc i genitores y nce di majeri atlec.

Bele n sada on pudu saludé na bela cumpëida de atlec dl Austria y chël ti à dat na bela auzeda de livel a duta la garejeda.
Dantaldut sun l saut HS20 an pudù udëi de beliscimi sauc de n grum de atlec y chël fej sambën plajei.
Mo plu plajëi nes à fat a udëi che nosc pitli atlec se a batú scialdi bën. Tla categoria di mutons sot a 10 ani udon Maximilian Gartner y Anna Senoner che ie stac boni de arjonjer n sgondo y n terzo plazamënt, me batu dal pitl Leon Michels de Oberaudorf. Florian Schmalzl à arjont n boniscimo nono post.
Manuel Senoner ie stat l mieur tla categoria di mutons sota 12 ani, Camilla Comazzi se à plazà al sgondo post danter la mutans. Si fra Samuele à arjont l sgondo post, David Senoner l nono post.
Tla proa de pudejé che valova per la cumbineda an propi udù che l livel di nosc ne n'ie nia al autëza di miëures, tlo saral da lauré scialdi ti proscimi ani. Tlo on propi udu n valgun atlec dl Austria che ie tecnicamënter scialdi boni y ie boni de fe la defrënza.

Purempo se à Manuel Senoner davanià l sgondo plazament. Camilla Comazzi à davania cater posizions y ie rueda cuarta. Samuele Comazzi a manteni si sgonda posizion. Lena Prinoth, sgonda do l saut, se a davania la vënta tla cumbineda y nce la tlassificha generela de Coppa Italia dla mutans sota 14 ani.


N dumenia fovl pona la cuarta edizion dla Internazionale Kinder- Kombitour cun la partecipazion dla scuadres dl NST Salzkammergut, l S.C. Partenkirchen, la TSU St. Veit / Pongau, l WSV Oberaudorf, la Dolomitica y Monte Lussari. Mpue da muie fova che propi una dla scuadres che a metu su chesta manifestazion, l ASV Wörgl, se a nia presentà cun na scuadra.
Tlo veniel me premia la tlassificha de cumbinazion, perchel fovel povester mo plu rie per i nosc a arjonjer i plazamenc danca. Purempo se a Samuele y Camilla Comazzi tëut la sodesfazion de bater duc chëi de si eta y de purte a cësa la bedaia d´or. Tl autra categories ië stai i atlec da oradecha i miëures cun de boniscima prestazions, dantaldut tl pudeje.
Cun chësta garejedes ië fineda via la sajon dl saut dla sajon da inviërn. Do na curta paussa jirala tosc inant cun la sajon da insta, ulache l vën purta ora na bela lingia de garejedes.

Sponsor

Raiffeisen Gherdeina
ITC Raetia sezion Sport GherdëinaCentro Fondo S.Cristina

Foto

Facebook