13/03/2019
Daniela prima tl Alpen Cup de cumbinazion nordica
Tl ultimo fin dl ena fovel a Chaux – Neuve tla Francia l ultima garejeda de saut y cumbineda nordica per chësta sajon.
N sada fovel la prima dla doi garejedes. Do l saut fova Daniela al cuinto post, 34 secunc do la prima, la slovena Nina Prevc. Tl pudejé iela passeda dant a duta l’autra atletes y à finà via la garejeda cun n bel vantaje de 29 secunc sun la segonda .
N dumenia an purta ora la segonda garejeda che ie stata cundizioneda dal vënt. La proa de saut an nia pudù purté ora y te chisc caji tolun ca l resultat dl saut de proa dl di dant. Ilò ne ti ovela a Daniela nia tan butà y perchël fovela passa n menut do la prima. Chësc fova nia plu da to ite nce ajache la distanza de gara fova me de n chilometer y mez mpede y 5 chilometri dl di dant. Nscila ala fina via al otavo post si ultima garejeda dla sajon.
Sce ti cialon ala tlassifica generela udon che Daniela se à davanià la bedaia de mieura atleta dla sajon 2018- 19. Do ëila udon Annika Sief al segondo post. N bel suzes per la scuadra taliana che ti dà na gran sburdla a fé inant nscila. Tl 2021 sara chësta disciplina leprò pra i mondiali a Oberstdorf. Perchël pudron udei nce chësta atletes danter i autri atlec dla disciplines nordiches tradiziuneles.
