salto

13/08/2019

Alpencup: Jessica vënc de saut y Daniela vënc la cumbinazion

Jessica y Daniela te na gran forma.

Ntan l 4 y l 10 de agost iel uni purtá ora 5 garejedes de Alpencup ti Paesc Tudesc, plu avisa a Klingenthal, Pöhla y Bischofsgrün. Al Alpencup tol pert atletes de 6 nazions danter 14 y 18 ani che fej garejedes de saut y cumbineda nordica.
Bele al scumenciament de chesta lingia de garejedes a Klingenthal à Daniela Dejori dejmustrà de vester te na boniscima forma. Ëila se a davania n sgondo post tl saut, disciplina che fova nchin sën nia si disciplina sterscia. L gran leur y l arteniënza di ultimi ani se à paia. Tla cumbineda iëla rueda al prim post cun l mieur temp tl skiroll, ulache la ie scialdi sterscia. Sgonda tla cumbineda se à tlassificheda Annika Sief de Predazzo.

A Pöhla iela jita pona inant cun doi garejedes de saut. Gran maruëia à fat l resultat dla prima garejeda, ulache a venciú Jessica Malsiner dan Annika y Daniela. Trei talianes cun podest, chël iel mo mei stat te n Alpencup. Tla sgonda garejeda a ino venciú Jessica dan Daniela. Per Jessica se tratel dla miëura prestazions te si cariera, do che la se a scialdi stentà ti ultimi doi ani.

A Bischofsgrün fovel per fine via doi garejedes de saut y una de cumbineda. Tla cumbineda a ino venciú Daniela dan Annika. Ëiles ië al mument l atletes plu stersces y perchel nce danora tla tlassifica generela dl Alpencup.Tl saut a Jessica arjont n terzo y n quinto post y ie rueda a cësa cun l pettorale ghiel de prima tla tlassifica generela de saut.
Cun chisc resultac pon vester scialdi cuntenc, l muviment dl eiles ië tl lëur de crescer y speron che la po ji inant nscila.


Ulon mo nunzië Lara Malsiner, al mumënt l'atleta plu sterscia che on tla Talia, che à arjont n boniscimo settimo post tl Gran Prix a Hinterzarten y n quindicesimo a Courchevel. Elena Runggaldier ie rueda 18ejima y Manuela Malsiner 26ejima.

Sponsor

Raiffeisen Gherdeina
ITC Raetia sezion Sport GherdëinaCentro Fondo S.Cristina

Foto

Facebook