26/03/2024
Ultima tappa dl biathlon per l calibro 22 te Antholz
boniscimi resultac per l Ski Club Gherdëina
Ultima tappa dl biathlon per l calibro 22 de chëst‘ann, fova chësc fin dl ena te Antholz i campionati taliani assoluti tla disciplines mass start, y la staffettes mëscededes.
Y ënghe inò chesc iede à l schiclub Gherdëina mustrà su si cualiteies.
N sada pra la garejeda dl mass start ons cun Tanja Wanker al segondo post: vize campiunëssa taliana tla cat. aspiranti.
Thea Wanker 12^ y Anna Anvidalfarei 21^ ne fova ënghe nia dalonc dala mieures.
Y n bon 29 post à arjont Nina Nocker.
Ënghe pra i mutons à i nosc tenì pea drët bën, dantaldut Alex Fontana coche 9. Bravi ënghe a Aron Galiani 23, Rene Tirler 39 y Maksym Pidruchnyi 52.
Diletta Broll tla cat. Giovani al 12 post y Gaia Brunello y Denise Planker che garejea per l Esercito ie ruvedes 5^ y 13^ dai juniores.
N dumënia fovel po la staffettes mëscededes, cun for 2 mutons y 2 mutans.
Do che dan 2 enes ova nosta mutans purtà a cësa l titul naziunel, speroven bën inò te n bon resultat. Ma che l univa inò tan n bon ie propi na marueia. Tanja y Thea Wanker se à inò davanià l titul naziunel y nsci la bedaia de or. Braviscimes mutans. Ma sul podio fovel mo lerch per na jeuna dl SCG: Anna Anvidalfarei ie tlo ruveda al boniscimo 3 post cun si scuadra mescededa. Ce bel.
Nosc mutons Aron Galiani y Alex Fontana ie ruvei 7, y Maksym Pidruchnyi 22. Chësc cie che reverda i aspiranti.
Passon ala cat. giovani ulache la scuadra cun Diletta Broll ie ruveda 3^ y nsci mo na bedaia de bront per l scg.
3 podi te un n di per l scg, ce bel, y mo plu bel ie che l cuarto ie ruvà tosc dò.
Cun Gaia Brunello ons mo na campiunessa taliana. Ëila ie ruveda 1^ tla cat juniores y Denise Planker 5^.
Chisc resultac porta prò che l schiclub Gherdëina ie al 2. post tla classifica naziunela dla sozieteies. Y chësc cun relativamenter puec atlec. Na prestazion che se merita na grandiscima lauda, sibe ai atlec che ai trainadëures. Bravi a duc canc.
Ënghe dal stlop a aria ie la garjedes finedes via l ena passeda cun l 3ländervergleichkampf via n Badia. Tlò se mesura na auswahl dl Südtirol tla cat. U 11, U13 y U15 cun i atlec dl Tirol, Bayern y dla Schweiz.
L sciclub Gherdëina à ben pudù mandé 7 atlec a chesta garejedes, y duc a purtà pro che l Südtirol se à davanià l 1. post vencian nsci chësc Vergleichskampf.
Fat pea à tlo, Mantovani Alice, Ploner Samuel, Senoner Ilian, Kostner Lena, Perathoner Daniel, Kostner Elisa, y Anvidalfarei Manuel.
Bravi ënghe tlo ai atlec y n gran degra ai traineri Theo, Luigi, Alexia y Stefan.
La sajon ne ie mo nia fineda dl dut, che n sada ai 30 de merz saral mo la garejeda soziela dl Schiclub Gherdëina sun Pana.... Ma tlò à l devërtiment plu valor che l plazamënt, dantaldut dò na tel sajon. Mo n iede bravi a duc!
Piazza Edi
classifica mass start aspiranti 23.03
classifica mass start giovani 23.03
