biathlon

05/01/2019

Segonda garejeda provinziela te Martell

Undesc mutons dl Schiclub Gherdëina à tëut pert ala garejeda cun cundizions plutosc ries.

Ai 5 de jené ie unida purteda ora na garejeda ndividuela de biathlon de valova per l Leitgeb-cup. L fova n dí plutosc da vënt y perchël rie per i mutons al poligono. L vënt raidova da n mumënt al auter che ova la conseguenza de plutosc ngrum de fai tl stlupeté.
De Gherdëina à fat pea 11 mutons tla categories cuccioli y ragazzi.
Pra la mutans plu jëunes fova Anvidalfarei Anna che cun 5 fai (1-4) ie ruveda 12. y Linder Selma cun 0-3 fai ie ruveda 14. te si prima garejeda de biathlon
Pra la mutans ragazze l bon cuinto plazamënt de Insam Sandra cun 2-2-1. Da dì che cun i schi ala fat l terzo miëur tëmp de si categoria. Wanker Thea se à plazà 9. cun 3-2-1 fai, Wanker Tanja 16. cun 3-2-3 y Kasslatter Maren 21. cun 1-1-1.
Pra i ragazzi mutons à fat scialdi legrëza l sesto plazamënt de Piazza Leo cun 0-3-0. Scialdi bon nce Galiani Aaron 8. cun 3-0-1 y prim de si ann. Senoner Robin ie ruvà 17. cun 1-3-4, Fontana Alex 19. cun 2-2-3 y Grossi David 20. cun 4-4-4.

Speran che i mutons ne se ebe nia sperdù dala ria condizions pra l stlupeté cialons inant y se ncunferton sula proscima garejeda de biathlon ai 20 de jenè tla Val Badia ulache se aspiton ngrum de tifosi da Gherdëina. ts

Sponsor

Raiffeisen Gherdeina
ITC Raetia sezion Sport GherdëinaCentro Fondo S.Cristina

Foto

Facebook