16/01/2018
Irene Lardschneider campiunëssa taliana sprint y tla garejeda de jì do
Da auzé ora iel ënghe i bon plazamënc de Linda Nocker y Carmen Runggaldier
L fin dl’ena dl 13 y 14 de jené ie unic fac i campiunac taliani de biathlon a Brusson tla Valle d’Aosta. L ie unì sëurandat i tituli taliani tla sprint y tla garejeda de jì do tla categories di jëuni, per la categoria di senior iel states garejedes de Copa dla Talia.
Sun na trassa, cun laite puec puntons y n scies che ie curì dal vënt, vën rateda la trassa de Brusson coche relativamënter saurida.
Do l suzes tl IBU Junior Cup de Irene Lardschneider, ie unides a sl de inò de doi bela sudesfazions per la jëuna de Sëlva. Doi iedesc campiunëssa taliana. Nia me l suzes de Irene Lardschneider ie da auzé ora, Linda Nocker cun n bon stlupeté, falan nianca un n colp sun diesc, tla sprint, ie stata bona de se plazé al boniscimo quinto post. Per Carmen Runggaldier n ne iel nia states garejedes de campiunat talian, meche Copa dla Talia. Tla sprint de n sada se ala plazà cun n destach de me set secunc da Irene al sgondo post. L di do tla garejeda de jì do se à Irene y Carmen mudà ju i plazamënc. Irene cun n valgun fai deplu de Carmen se à plazà do ëila, al sgondo post.
I autri atlec dl Schi Club Gherdëina Raiffeisen à falà npue massa sun l scies, nsci ne n iesi nia stac boni de se plazé danter i primes. Tla garejeda de jì do se à belau duc i atlec miurà de vel’ plazamënt.
Tlo i resultac de la sprint de n sada ai 13 de jené:
Aspirantes ëiles:
5. NOCKER Linda 0 0 17'35.7
21. VALENTINI Esther 2 2 19'10.1
22. BRUNELLO Gaia 5 1 19'23.0
27. PLANKER Denise 4 0 20'12.8
Jëuni ëi:
13. WIEDENHOFER Lukas 1 2 20'52.3
20. BREITENBERGER Hannes 3 4 22'21.6
Jëunes ëiles:
14. DEJORI Verena 2 3 22'52.7
Junior–Senior ëiles
1. LARDSCHNEIDER Irene 1 2 21'58.6
2. RUNGGALDIER Carmen 0 2 22'05.1
I resultac dla garejeda de ji do ne n dumënia ai 14 de jené
Aspirantes ëiles
13. VALENTINI Esther 0 0 2 1 44'00.7
19. NOCKER Linda 0 3 2 3 45'26.8
22. BRUNELLO Gaia 4 3 3 0 46'45.7
28. PLANKER Denise 2 3 2 1 48'51.0
Jëuni ëi
10. WIEDENHOFER Lukas 0 0 1 2 51'40.5
19. BREITENBERGER Hannes 2 1 3 2 55'05.4
Jëunes ëiles
12. DEJORI Verena 0 2 2 0 49'03.1
Junior-Senior ëiles
1. RUNGGALDIER Carmen 0 0 0 2 54'44.2
2. LARDSCHNEIDER Irene 1 2 1 1 54'58.3
