28/12/2018
Garejeda provinziela de biathlon
I atlec dl schiclub Gherdëina se bat bën tla prima garejeda dla sajon.
N sada ai 22 de dezëmber ie unida purteda ora sun la pista y tl stadio de Copa dl Mond de Antholz la prima garejeda dla sajon de biathlon per i mutons dla catedories “baby, cuccioli, ragazzi y allievi”: mutons danter 7 y 14 ani. Per i pitli atlec na gran emozion a pensé che te nianca n mëns sarà tlo i gran campions dl biathlon.
L à nce tëut pert 13 mutons de Gherdëina se batan drët bën ënghe sce che na pert de chisc à permò scumencià chest’ann cun chësc sport y fova permò puec dis sui schi da pudejè. Ai trainadëures ti à fat scialdi marueia tan bën che i ie stai boni de stlupeté l prim iede sota la prescion dla gara.
Scialdi bones ie states nosta atletes plu jeunes Anna Anvidalfarei y Natalie Senoner, che te si prima garejeda à tucà dui diesc i coplpsc y ie ruvedes ottava y dodicejima.
Tla categoria ragazze ëiles ons abù l plajëi de fé na doppietta cun Sandra Insam al prim post y Thea Wanker al segondo. Quinta ie ruveda Tanja Wanker y ottava Nina Nocker. Bën cater nosta atletes tla prima ot posizions. Drët bën se à nce batù i muton de chësta categoria: Aaron Galiani ie ruvà decimo, Leon Mussner undicejim y Alex Fontana dodicejim.
L ie stat na manifestazion scialdi bela y garateda y a nosc atlec dl schiclub Gherdëina ti ala dassën plajù. Ala fin à mo duc i partezipanc giatà na pitla scincunda coche lecord per la fadies fates y la prestazion che i à arjont. Inant jirà la garejedes de biathlon ai 5 de jenè te Martell cun na garejeda ndividuela. ts
