biathlon

21/01/2019

Gara provinziela de biathlon tla Val Badia

La 3. garejeda dl Leitgeb-cup ie unida purteda ora a S.Ciascian

N dumënia ie bele unida purteda ora la terza garejeda provinziela de biathlon cun l stlop a aria. Chest‘ iede iela unida metuda a ji dal SCA Alta Badia Nordic tl stadio dal biathlon a S.Ciascian.
Per l schiclub Gherdëina ala mpue manco butà a stlupeté, scebën che l fova cundizions ideeles: degun vënt y n bel surëdl bon ciaut che ne fajova nia sentì la temperatures scialdi sota null.
Perfect à stlupetà Anna Anvidalfarei che tucan duc i colps se à classificà otava. Tla medema categoria ie Natalie Senoner y Selma Linder ruedes 13. y 16. cun 2 fai prum.
Pra la mutans mpue majres ons abù la sgonda vënta dla sajon per Sandra Insam pur de si 2 fai al poligono. Cuinta ie ruveda Nina Nocker cun 1 n fal, settima y otava Tanja y Thea Wanker cun 2 y 4 fai y undicejima Maren Kasslatter che ne à nia abù drëde ji tla raida de straufonga.
I mutons dl schiclub Gherdëina ie duc te una na categoria y tlo ons l bon nono post de Leo Piazza cun 3 fai, dodicejimo Alex Fontana cun 2 fai, quatordicejimo Aaron Galiani cun 4 fai y po ndolauter 20. 21. y 22ejimo: David Grossi, Leon Mussner y Robin Senoner cun respetivamënter 3, 4 y 5 fai.
Bel iel stat che l fova ngrum de tifosi, genitoresc y nëinesc a cialé, che fova sgur na gran motivazion per nosc atlec. Rengrazion nce nosc cumpanies dla Val Badia che a metù a ji la garejeda coche uni ann a puntin.
L proscimo apuntamënt sul program per nosc atlec sarà al scumenciamënt de fauré i campionac talians a Chiusa Pesio tl Piemont. ts

Sponsor

Raiffeisen Gherdeina
ITC Raetia sezion Sport GherdëinaCentro Fondo S.Cristina

Foto

Facebook