biathlon

07/03/2016

Campionac taliani sprint y inseguimento tla Valtellina

Tripletta per Irene Lardschneider

Sada y dumenia ie a Isolaccia, tla Valtellina unic purtei ora i campionac taliani de biathlon per la categories aspiranti, jeuni y junior tla garejedes sprint y a inseguimento.

Te na garejeda scialdi ria pervia dla gran nevera, ie n sada Irene Lardschneider stata bona de ti vester a si averseres pur di 3 fai da mpé, se davanian l titul talian tla garejeda sprint. Scialdi ben nce Nathalie Wiedenhofer che rua al 6.post. Plu ert cul stlupeté te chela condizions se à fat la mutans plu jeunes Verena Dejori y Linda Nocker che se à classificà 17. y 18. N bon resultat à nce mustrà Hannes Breitenberger, che cun si 3 fai ie ruà 10. Lukas Wiedenhofer ie ruà 19. cun 5 fai.

La dumenia fova la garejeda de ji do y tlo ie Irene Lardschneider stata bona de defender si plazament se davanian l terzo titul talian ndolauter te chesta sajon. Nathalie à davanià un n post ruvan daujin al podio al 5.plazament. Verena y Linda se à classifica te si categoria 18. y 20., ntan che Hannes Breitenberger ie stat bon de davanie una na posizion ruvan 9. y Lukas Wiedenhofer 5 posizions ruvan 14.

Da lecurdé ie mo i doi titui venciui te chisc doi dis da Carmen Runggaldier che garejea per l grup dla polizia.

Sponsor

Raiffeisen Gherdeina
ITC Raetia sezion Sport GherdëinaCentro Fondo S.Cristina

Foto

Facebook