biathlon

10/03/2019

Bon resultac per i atlec dl Schiclub Gherdëina pra i Campionac Talians y la finela dl Leitgeb-cup

Cun temperatures ciaudes y l dleghé dla nëif ie la ulima doi enes unides purtedes ora doi manifestazions de biathlon per la categories cun l stlop a aria.
A Tesero ie unic purtei ora i Campionac Talians tla garejeda ndividuela y tla staffetta. L prim dì tla garejeda ndividuela scialdi n bon resultat de Nina Nocker che cun me un n fal ie ruveda al boniscimo 5.post. Nina toca pra la jëunes de si categoria ie ie ruveda segonda de si ann. Stlupetà medemo bën à nce Sandra Insam y Tanja Wanker che se à tlassificà 9. y 10. Scialdi na bona gara à fat Aaron Galiani che tucan duc i colpsc ie ruvà 9., nce ël segondo de si ann. Bën nce Leon Mussner che sënza fai ie ruvà 12. Na bedaia di Campionac Talians à Tanja Wanker cun si cumpanies de Martell y Antholz pudù se purté a cësa. Tla staffetta ie la trëi mutans che piova via per l comitato de Südtirol ruvedes terzes do i comitati dl Friul y dl Piemont.
Tla finela dl Leitgeb-cup, garejeda a livel provinziel te Pfitsch, ala npue manco butà a stlupeté. Povester fova i nierves npo npue dëibli per l‘ unica garejeda dla sajon a massa, ulache duc i atlec dla categoria pea via adum. Na bona gara à fat Anna Anvidalfarei ruvan 6. te si categoria cun un n fal. Gran speranzes oven tla categoria ragazze femminile ulache l Sciclub Gherdëina à de bona atletes. Purtruep à chesta mutans al poligono nia purtà i resultac che n sperova. Purempò se à Nina Nocker tlassificà 2. cun cater fai y Sandra Insam 4. cun bën sies fai. Na bona gara à inò fat Aaron Galiani. Ël ie cun cin fai ruvà 10., inò segondo de si ann. Te chësta ucajion ie nce unic dai ora i trofei per la tlassifica generela y tlo ne ti iela a Sandra Insam per puec ponc nia jita fata de ruvé prima. La bela notizia ie che nce la terza tla categoria ragazze, ie cun Nina Nocker, una de Gherdëina.
Per finé via la sajon sará proscima ena te Pfitsch mo l Dreiländerkampf y po unirà la meriteda pause do na bela , ma sfadieusa sajon. ts 

Sponsor

Raiffeisen Gherdeina
ITC Raetia sezion Sport GherdëinaCentro Fondo S.Cristina

Foto

Facebook