10/09/2018
training ntensif ntan l instà
La categuries Aspiranti (ani 2002 y 2001) y Juniores (ani 2000 – 1999) à ntan l instà fat n alenamënt drët ntensiv, sibe a sut che ënghe sun i schi.
Per l alenamënt a sut se à i atlec nuzà scialdi dl Zënter dal Sport Mulin da Coi, ulache i se ancuntova regularmënter doi iedesc al dì per plu ëures. L program de alenamënt ie unì laurà òra dai traineri Mike Vinatzer, Michaela Messner y Elia Berti, n pert ënghe per uni singul atlet individualmënter. Al scumenciamënt dl instà ie i atlec ënghe scialdi furnei cun la roda da streda, per giaté na bona condizion de basa. Cun l sustëni de Verena Stuffer à i atlec abù l ucajon de pudëi furnè per n valgun dis a Torino te na palestra de cross-fit per mparè da profescionisc’ co adurvé drët i enjinies da fé pëisc.
Sambën ie ei ënghe furnei plù iedesc cun i schi. Plu suvënz iesi furnei sun l dlacier dl Stelvio, che fova chëst ann te drët de bona cundizions n cont dla nëif. De lugio iesi pona mo stac tl “Zillertal” sun l dlacier de Hintertux. De agost ài pudù inò furné tla Svizra a Saas Fee, ulache i à pudù furné cun i schi per 6 dis ndolauter per la bona cundizions dl tëmp. Dan scumencié l ann de scola iesi mo furnei per 5 dis tl “Alpincenter Wittenburg” (dlongia Hamburg), che ie n purtoi dai schi curì. I atlec ie for stai acumpaniëi da si traineri Karl Heinz Goller, Uli Perathoner y Marco Senoner, che se à dat scialdi da fé.
Ntant a scumencià la scola, ma l alenamënt a sut jirà for inant domesdì y l fin dl ena jirà i atlec suvenz demez cun i schi. Dut chësc per se snié cà ala proscima sajon de garejedes FIS y Marlene Cup, che scumencia bele de nuvëmber. Ti mbioncion sambën dut l bon! (cm)
Foto:
Japé da man ciancia:
Jamie-Lee Pellizzari
Max Malsiner
Matteo Grossrubatscher
Martino Daz
Sofia Kerschbaumer
Marco Senoner (trainer)
Mpé da man ciancia:
Tatjana Runggaldier
Alex Vinatzer
David Plancker
Marvin Avesani
Matthias Comploj
Sebastian Demez
Aaron Senoner
Karl Heinz Goller (trainer)
