02/02/2021
Slalom lerch FIS junior sun Bulacia
De biei risultac per i sculeies y ex sculeies dl Ski College ITE Raetia de Urtijëi y per i atlec dl Schi Club Gherdëina tla garejeda FIS di jëuni „Marlene Cup“
(lb) L ie na grandiscima fertuna che i atlec y la atletes dl schi alpin à te chisc tëmpes ulache feter dut ie ferm, la puscibilità de se alené y de garejé.
N dumënia ai 31 de jenè ie stata sun Mont Seuc sun l purtoi ërt da Bulacia ju na garejeda FIS de slalom lerch che vel per la tlasifica dl Marlene Cup penseda per i jëuni sota i 21 ani. Pra chësc slalom lerch à fat pea i mieures de chëi ani de Südtirol y ënghe n grum da oradeca, na garejeda drët nternaziunela.
Ti cialan ala tlasifica finela FIS de duc i partecipanc veigun danter i primes plù sculeies y ex sculeies dl Ski College “Raetia” de Urtijëi.
Da auzé ora ie l beliscimo risultat cun la vënta y l mieur tëmp dl dì dla sculeia dla 5. tlas Vicky Bernardi che garejea per l Ski Team Alta Badia y fej ënghe pert dl Comitato. Nicole Nogler Kostner tessereda pra i Carabinieri ie ruveda terza. Pra i mutons ulache la cuncurënza fova tla garejeda FIS drët granda udons al 9. post l Rus Ivan Mizintsev, che l’ann passà ie jit a scola tl ITE y 11. de duc ie ruvà Matthias Comploj y 12. Max Perathoner.
Dessot la tlassifica di Ladins ti primes 10 dl “Marlene Cup” ulache vën me cunscidrei atlec che garejea per lies sportives de Südtirol:
Categuria aspirantes mutans:
1. Chayenne Kostner - SC Gherdëina
2. Nicole Ploner - SC Gherdëina
7. Michela Legato – Ski Team Alta Badia
8. Ellis Pellizari - SC Gherdëina
Categuria aspiranc mutons:
1. Diego Nogler Kostner - SC Gherdëina
2. Gianluca Testa - SC Gherdëina
3. Gabriel Stauder -SC Sarntal
6. Matteo Di Genova- Ski Team Alta Badia
Categuria Junior mutans:
1. Vicky Bernardi – Ski Team Ladinia
2. Patrizia Gaslitter – Seiser Alm Ski Team
3. Lisa Schranzhofer – SC Gsiesertal
9. Gaia Bellapianta - SC Gherdëina
10. Lisa Santifaller - SC Gherdëina
Categuria junior mutons:
1. Simon Putzer – RG Wipptal
2. Maximilian Ranzi - SC Vigiljoch
3. Matthias Comploj- SC Gherdëina
5. Jacopo Bernardi - SC Gherdëina -
6. Matteo Grossrubatscher - SC Gherdëina
8. Max Malsiner - SC Gherdëina
Ënghe te chësta garejeda dl Marlene Cup ie l Schi Club Gherdëina stat l miëur schi club.
Per risultac plu avisa pudëis cialè do sun la plata: www,crono.bolzano.it
