10/12/2018
Prima garejeda dl Marlene Cup te Sulden
categories aspiranti (ani 2002 y 2001) y juniores (ani 2000 y 1999)
Te Sulden ie stata n sada ai 8 de dezëmber la prima garejeda dl Marlene Cup a livel de Südtirol. I atlec dl Schi Club Gherdëina Raiffeisen à arjont de bon resultac cun Pauli Perathoner, che à venciù tla categoria di juniores, y cun David Plancker, che à arjont l 3° post tla categoria di aspiranti. Te chësta categuria à venciù Gabriel Planötscher de Völs. Pra la mutans - categuria dla aspirantes, à venciù Ellen Pedevilla dl SC Ladinia, y tla categoria juniores à Elisabeth Dander arjont l 3° plazamënt.
N dumënia ai 9 de dezëmber ie stata, inò te Sulden, na garejeda FIS di jëuni. Pra chësta à venciù Manuel Ploner dl SC Ladinia y che va a scola tla scola dl sport a Urtijëi. Pauli Perathoner à inó sapù da se la fé valëi y ie ruà sul l podest cun l 3° post. Butà ti ala ënghe a Max Malsiner, che ie ruvà al 10° post. Pra la mutans à inò venciù Ellen Pedevilla. Jamie-Lee Pellizzari à arjont l 9° post y Tatjana Runggaldier l 13° post. (cm)
