08/04/2019
PINOCCHIO SUGLI SCI
La garejeda „Pinocchio sugli sci“ ie una dla cinch gares plu mpurtantes dl mond per i mutons dai 8 ai 15 ani. L fova 24 gares de selezion a livel talian. La gara per l’Adej Aut fova a Ladurns, ulache 10 mutans y 15 mutons dla region se a qualificá per la fineles nazioneles che vën metudes a jí dal 1 al 3 de auril sun l’Abetone tla Toscana.
Per chësta gares nazioneles se á qualificá dai allievi: Chayenne Kostner, Sara Thaler, Elena Frontull, Irina Ciechi, Nicole Ploner y Ellis Pellizzari. Dai mutons se a qualificá Max Perathoner, Marc Comploj y Runggaldier Julian.
Dai sculeies se á qualificá Lisa Perathoner, Maria De Nardin, Patrick Weissensteiner, Ivan Kerschbaumer, Comploj Patrick, Fabio Grossrubatscher, Philip Perathoner, Manuel Kofler, Jonas Baumgartner y Matteo Perathoner.
L prim di de gara, ai 2 de auril, garejova la doi categories sun doi purtoies desferenc, ma duc ie furnei n slalom lerch pervia dla previsions meteo dl di do scialdi stletes.
I sculeies ova una na manche ulache Patrick Weissensteiner ie deventá 5°, Ivan Kerschbaumer 8°, al 21°post ie Philip Perathoner y 24° ie Comploj Patrick. Lisa Perathoner y Maria De Nardini e tramedoves tumedes ora n valguna portes dan l traviert.
I allievs ova doi manches. Dala segonda pudova me plu pie via i prim 40 atlec, davia che l fova nia plu n grum de neif sun l purtoi. Tla tlassifica udons Chayenne Kostner sun l 4° post, Marc Comploj ie 11°.
L segondo dí fova la garejedes de slalom strënt. L tëmp fova scialdi burt, l á pluet dut l di y dala segonda manche fovel scialdi da nibel.
Ënghe da chësta gares se á qualificá me i primes 40 atlec per la segonda manche.
Dai allievi se á Chayenne Kostner plazá 13°, Ellis Pellizzari 15°y Sara Thaler 19°. Marc Comploj a stlut ju si gara sun l 12°post.
Dai sculeies ie Maria de Nardin 9°, Patrick Weissensteiner 13°, Fabio Grossrubatscher 17° y Patrick Comploj 25°.
L Schi Club Gherdëina fova sun l 2°post tla tlassifica dla sozieteies!
Dl Schi Club Gherdëina se á Chayenne Kostner qualifichá per l team talian y á pudú fé pert ala garejedes nternazioneles ulache l ie atlec de ben 33 delegazions dala Nueva Zelanda al Canada, dall’Iran ala Spagna y dala Slovenia al Hong Kong.
Venerdi 5 de auril fova la prima garejeda nternazionela. De nuet ovel n puech nevet, ma n gran pert ovel jetá. Da duman se á l tëmp stabilisá y la gara a pudú scumencé.
Chayenne Kostner se á plazá sun l 8°post tl slalom strënt y l di do al 5°post dal slalom lerch. (tanja)
