19/02/2019
LandesCup de slalom strënt
N sada ai 16 de fauré ie muec nosc alievi dl Schi Club Gherdëina de vieres de Taisten. Sun l purtoi Guggenberg, amesa tl luech de Taisten, cun n dislivel de 140 metri, fova metui su doi percursc per chësta garejeda a livel provinziel.
Al start fova 63 mutans y 74 mutons.
Pra la mutans nasciudes 2003-2004 ons chisc resultac:
1. Wieser Emma RG Wipptal
2. Kostner Chayenne
3. Peer Jasmin ASC Haid
4. Pellizzari Ellis
5. Thaler Sara
6. Ploner Nicole
Pra i mutons dl 2003-2004:
1. Perathoner Max
2. Dijksman Christophe ASC Ortler
3. Schranzhofer Hannes ASC Gsiesertal
7. Comploj Marc
La tlassifica dla sozieteies ie stata vënta dal Schi Club Gherdëina cun 266 ponc dan l RG Wipptal cun 166 ponc y l ASC Ortler cun 101 ponc.
N dumënia ai 17 de fauré fova pona la categoria sculeies (ragazzi) a garejé.
Ënghe tlo fovel da furné n slalom strënt a livel provinziel.
Chësta garejeda ie unida purteda ora sun l purtoi Zwölfer sun l Reschen, cun n dislivel de 150 metri. Ënghe tlo fovel doi percursc y l ie muec bën 91 mutans y 124 mutons nasciui ti ani 2005-2006.
I resultac pra la mutans dla categoria ragazzi:
1. Gufler Bianca SC Riffian Kuens
2. Perathoner Lisa
3. Morandell Greta SC Kaltern
9. Insam Jessica
Pra i mutons dl 2005-2006 ons chisc resultac:
1. Perathoner Matteo
2. Peer Tobias SC Haid
3. Comploj Patrick
5. Weissensteiner Patrick
9. Perathoner Philip
Ënghe pra chësta garejeda à l Schi Club Gherdëina vënciù la tlassifica dla sozieteies cun 269 ponc dan l SC Kaltern cun 122 ponc y l Skiteam Kronplatz cun 118 ponc.