20/03/2017
Hanna ie campiunessa provinziela de slalom lerch
Ellis y Diego sun podio
Ultima sada, ai 18 de Merz, fovel sun Karerpaß i campionac provinziei de slalom lerch tla ceteguria ragazzi. Ben 200 mutans y mutons á teut pert ala garejeda che essa bel messú vester dan doi enes sun Bullaccia, ma che per bur temp messova uní spusteda sun l purtoi Pra di Tori.
Dala mutans nasciudes tl ann 2003/2004 a Hanna Wanker de Santa Crestina nuzá al miec si numer 1. Tla prima manche fovela bel prima, ma mé per n fruz de nuef centejims dan la plu jeunna Ellis Pellizzari de Selva. Cun na gran porzion de grinta y cun si bona cualiteies tecniches, á Hanna tla segonda frazion de gara destacá duc i autri de plú de n segund, purtan a cesa l titul de campiunessa provinziela de slalom lerch. Cun n temp complessiv de 1'54.53 fovela monc plu asvelta di mutons.
Ellis á enghe sapú desmustré doi de bona prestazions se plazan sun l segondo post, ben doi segunc dan la terza, Nadine Mölgg dl ASC Schenna. Chayenne Kostner ie deventeda sesta, Nicole Ploner setima y Laura Senoner 10.
Dai mutons fova la garejeda enghe bendebot cumbatuda. Christian Gietl dl ASV Gsiesertal á venciú cun n temp de 1'54.82; enghe el fova l mieur te tramedoi manches. Al segondo post udon Dennis Villgratter dl ASC Olang cun 1'55.57 y snel dó el Diego Nogler Kostner y Marc Comploj al terzo y cuarto post.
Tla tlassifica dla scuadres á venciú l Schi Club Gherdeina dan l TZ Schlerngebiet y l RG Wipptal.
