19/04/2017
Gran suzes per i sculeies dl ITE “Raetia” danter i primes 12 iel 9 dl ITE
Ntan la premiazion dla tlasifica dl Marlene Cup a Terlan ie 9 atlec dla Sezion Sportiva che ie mo sën tl ITE “Raetia” o che à bel stlù ju la scola unic preimiei dal Comitato de Südtirol per vester danter i primes trei tla tlasifica finela
L Marlene Cup ie na lingia de 12 garejedes FIS per jeuni danter slalom, slalom lerch y SuperG te Südtirol.
Sciche l presidënt dl Comitato de Südtirol Hermann Ambach à dit n ucajion dla premiazion tla cësa di meiles a Terlan, ie chësta seria de garejedes de schi alpini la plu mpurtanta per l Comitato de Südtirol.
N juebia ai 13 de auril ie pona unic premiei i mieur 3 atlec dla tlasifica finela de uni categuria de chësc Marlene Cup.
Tl ultima sajon ie muec pra chësta garejedes n dut 2000 atlec, atlec nasciui dal 1996 al 2000 sparti su te cater categuries, mutans y mutons sota y 18 ani y sota 21 ani.
Chest’ann iel propi da auzè i risultac di sculeies dl ITE “Raetia” de Urtijëi.
De bën 12 premiëi ne fovel 9 atlec che à fat o fej mo for la Sezion Sport dl ITE Raetia. N veigh nsci che do 10 ani che ie unida metu su chëst direzion sportiva tl ITE iel unì laurá drët bën tl ciamp dl training sportiv ma ënghe tl leur dla coordinazion danter scola y alenamënt.
Ulëssi to l ucajion de rengrazié i alenadëures de chisc sculeies Uli Perathoner, Manuel Klemera, Leo Pichler y Karl Heinz Goller che à fat n boniscimo leur ti dajan for la forza à chisc atlec de se mpeniè sibe sun i purtoies che te scola.
I primes trei de uni categuria tla tlasifica finela dl Marlene Cup 2016/17:
Cat aspirantc (1999 –2000)
mutans:
1. Teresa Runggaldier (ITE Raetia – SC Gherdëina)
2. Celina Haller (SC Meran)
3. Laura Steinmair (ITE Raetia)
mutons:
1. Tobia Kastlunger (SC Ladinia)
2. Mattia Cason (ITE Raetia – SC Gherdëina)
3. Pauli Perathoner (ITE Raetia – SC Gherdëina)
Cat. Junior: (1996 –1998)
mutans:
1. Haas Magdalena (ex sculea dl ITE Raetia – SC Gherdëina)
2. Giulia Demetz (ITE Raetia – SC Gherdëina)
3. Veronika Weissensteiner (TZ Drei Zinnen)
mutons:
1. Daniel Niedermair (ex ITE Raetia)
2. Manuel Pfeifer (ITE Raetia – SC Gherdëina)
3. Martin Schmuck (ex ITE Raetia)
Foto:
Danca: Laura Steinmair, Teresa Runggaldier, Giulia Demetz, Haas Magdalena y Celina Haller
Dovia: Manuel Pfeifer, Martin Schmuck, Mattia Cason, Pauli Perathoner, Daniel Niedermair y Tobias Kastlunger
