alpino

05/04/2017

Garejedes Fis slaloms dl’ëiles sun Secëda


N lunesc, 3 d'auril, à l Schiclub Gherdëina metù a jì doi FIS slaloms d'ëiles sun Secëda. Chësta garejedes FIS ala fin dla sajon agunistica ie per truepa atletes jëunes n’ucajion per se museré cun atletes de n livel scialdi plu aut, cun atletes che garejea bele dai ani te Copa dl Mond. Sce vel atleta jëuna ie pona bona de ti tenì mesanmënter permez a chësta atletes de n livel plu aut, sautel ora trueps ponc che mpermët de pië via cun n numer plu dancà tla proscima garejedes.

Cun legrëza à l Schiclub Gherdëina, cun i respunsabli de sezion Fredi Demez y Georg Sommavilla, pudù saludé duta la scuadra dla Naziunela taliana cun Chiara Costazza, Irene Curtoni y Manuela Mölgg. Tëut pert ala garejedes à nce truepa atletes jëunes dl Schiclub Gherdëina, atletes dl comitato dl Südtirol y de autri comitati dla Talia. Da auzé ora nce la gran cumpëida de atletes dla Germania che à fat pea chësta garejedes.

A chësta garejedes nternaziuneles à tëut pert bën 79 atletes da 12 nazions.

L prim slalom ie unì venciù da Alexandra Tilley (GBR) dan Jasmine Fiorano (Esercito) y Chiara Costazza (GS Fiamme Oro). Manuela Mölgg (Fiamme Gialle) à arjont l 11° plazamënt. Vivien Insam, l’atleta de Sëlva che garejea per l grup sportiv Fiamme Oro s’à tlassificà 20a.

l segondo slalom ie unì venciù da Ciara Costazza( Fiamme Oro) dan Alexandra Tilley (GBR) y Jasmine Fiorano (Esercito). Manuela Mölgg à arjont l 9° post. Vivien Insam, s’à tlassificà 12a. A l’atletes dl Schiclub Gherdëina ti àla n generel te tramedoi slaloms plutosc sciacà. Belau dutes ie mo scialdi jëunes y perchël arales dessegur ucajion de se refé tla garejedes da n auter ann.

A inuem dl Schiclub Gherdëina ulëssi rengrazië Charlie Comploj dla sozietà de Secëda y si “gattisti” per avëi anjinià ca tan a puntin l purtoi. Scebën che la cundizions dla nëif fova dut auter che bones, iesi stac boni de fé n boniscimo lëur garantian nsci garejedes reguleres. Da auzé ora iel nce l grandiscimo lëur fat da Fredi y Georg che cun si trainadëures y genitores de atlec de Gherdëina fova bele pernan che l stlaiova di sun l purtoi per anjinië ca dut. N gran Die ve l paie a duc! (fl)

Resultac
1° slalom
1. Tilley Alexandra (GBR) (45.75 47.39) 1’31.14
2. Fiorano Jasmine (Esercito) (44.30 47.05) 1’31.35
3. Costazza Chiara ( Fiamme Oro) (43.72 47.82) 1’31.54
11. Manuela Mölgg (Fiamme Gialle) (44.96 47.59) 1’32.55
20. Insam Vivien (Fiamme Oro) (45.34 48.45) 1’33.69
36. Delago Nadia (Schiclub Gherdëina Raiffeisen) (49.43 51.36) 1’40.79
39. Hofer Carmen (Schiclub Gherdëina Raiffeisen) (49.51 52.16) 1’41.67
43. Runggaldier Teresa (Schiclub Gherdëina Raiffeisen)(50.30 53.06) 1’43.36
45. Runggaldier Tatjana (Schiclub Gherdëina Raiffeisen) (51.20 52.86) 1’44.06
49. Goller Nadia (Schiclub Gherdëina Raiffeisen) (51.68 53.92) 1’45.60
50. Hofer Gaby (Schiclub Gherdëina Raiffeisen) (55.21 55.37) 1’50.58
51. Kerschbaumer Sofia (Schiclub Gherdëina Raiffeisen)(53.46 59.29) 1’52.75
Demetz Giulia ne n’à nia arjont l traviert tla 2a manche

2° slalom
1. Costazza Chiara (Fiamme Oro) (48.01 49.82) 1’37.83
2. Tilley Alexandra (GBR) (48.91 49.09) 1’38.00
3. Fiorano Jasmine (Esercito)(49.25 49.10) 1’38.35
9. Manuela Mölgg (Fiamme Gialle) (48.54 50.53) 1’39.07
12. Insam Vivien (Fiamme Oro) (49.41 49.99) 1’39.40
31. Runggaldier Tatjana (55.68 54.56) 1’50.25
32. Goller Nadia (Schiclub Gherdëina Raiffeisen) (56.73 55.67) 1’52.40
35. Hofer Gaby (Schiclub Gherdëina Raiffeisen) (57.20 57.12) 1’54.32
Delago Nadia, Demetz Giulia y Runggaldier Teresa ne n’à nia arjont l traviert tla 1a manche.
Hofer Carmen y Kerschbaumer Sofia ne n’à nia arjont l traviert tla 2a manche

Sponsor

Raiffeisen Gherdeina
ITC Raetia sezion Sport GherdëinaCentro Fondo S.Cristina

Foto

Facebook