16/01/2019
GAREJEDES DE SLALOM LERCH FIS JEUNI SUN PIZ SELLA
L Schi Club Gherdëina Raiffeisen Gherdëina à metu a ji n sada y n dumënia, 12 y 13 de jené sun Piz Sella doi slalom lerc FIS Jëuni per la categuries aspiranc y iunior, mutans y mutons.
Emmi Frenademez dl SC Ladinia mieura de dutes y Aaron Senoner y Jamie Lee Pellizzari dl SC Gherdëina y va a scola tla sezion sport dl ITE «Raetia » a Urtijëi vënc tla categuria aspiranc (nasciui 2001 y 2002)
La garejedes piovia via suisom de Piz Sella y jiva ju per la nueva pista dret ërta “Paprika”, anjenieda ca a puntin da i respunsabli dl schi alpin dl schi club Fredi Demez y Christian Plancker cun si culaburadëures y i alenadëures dl Schi club Gherdëina. L purtoi fova bel ërt y dastramp mpeniativ per chisc jëuni.
L à fat pea i mieur jëuni de Südtirol y dl rest dla Talia, ma ënghe atlec de plu nazions, coche dal Austria, dai Paesc Tudësc, dal USA, dala Cina y monc na muta dal Kenia. Da auzè ora ie i beliscimi risultac de atlec ladins. Emmi Frenademez à venciù la garejeda de dumënia y Aaron Senoner à arjont n beliscimo 2. post tla garejeda de n sada.vencian tla categuria aspiranc. Drët plajëi à ënghe fat la vënta tla categuria aspiranc de Jamie Lee Pellizzari.
Resultac di 12.01.2019
Mutans:
1) Cashman Kelly (USA)
2) Kaufmann Ines (Sci Club TZ Überetsch)
3) Runggaldier Teresa (Fiamme Gialle)
5) Nogler Kostner Nicole (Schi Club Gherdëina Raiffeisen) 2. cat. aspiranc
6) Pellizzari Jamie-Lee (Schi Club Gherdëina Raiffeisen) 3. cat. aspiranc
Mutons:
1) Dilling Jacob (USA)
2) Senoner Aaron (Sci club Gherdëina Raiffeisen) 1. cat aspiranc
3) Underhill Bradshaw (USA)
12) Demez Sebastian
14) Comploj Matthias
Resultac di 13.01.2019
Mutans:
1) Frenademez Emmi (Schi Club Ladinia)
2) Cashman Kelly (USA)
3) Talbot Nelly (USA)
4) Kerschbaumer Sofia (Schi Club Gherdëina Raiffeisen)
9) Pellizzari Jamie-Lee (Schi Club Gherdëina Raiffeisen) 1. cat. aspiranc
12) Bernardi Vicky (SC Ladinia) 2. cat. aspiranc
13) Runggaldier Tatjana (SC Gherdëina)
14) Hofer Gaby (SC Gherdëina)
Mutons:
1) Underhill Bradshaw (USA)
2) Dilling Jacob (USA)
2) Collini Filippo (Fiamme Gialle)
9) Senoner Aaron (Sci club Gherdëina Raiffeisen) 2. cat. aspiranc
Nia me l tëmp a judà a fé garatè chësta doi beliscima garejedes, ma ënghe l entusiasm di jëuni atlec, de si trainadëures y di genitores, che à judà pea nteur ite cun legrëza.
L Schi Club Gherdëina Raiffeisen Gherdëina rengrazia la sozietà dai mplanc portamont Piz de Sella, la ustaria Val Pudra per si ospitalità y la 3DWood per i trofei y duc chëi che à judà ntëurite che per mëter a ji doi tel garejedes uël vester n grumon de ulenteres.
