20/01/2020
Garejeda VSS de slalom lerch de raion a Vals
Ai 19.01.20 ie unida purteda ora a Vals la garejeda VSS "Bezirksrennen" per la zona III. Bën 212 mutans y mutons, danter i 6 y i 12 ani a teut pert a chesta blota garejeda. La temperatures freides à fat a na maniera che l purtoi se à mantenì scialdi bën, nscì che ënghe i mutons che piova via cun n numer plu aut ova mo la puscibilità de fé n bon temp.
I mutons dl Schiclub Gherdëina à sapù da nuzé scialdi bën la bona cundizions, purtan a cësa de boniscimi resultac. Bën 6 mutans y 5 mutons dl Schiclub Gherdëina, se à tlassificà tla categoria cuccioli U12, ti primes 10. Pra la mutans udons al prim post Vanessa Linder, al segondo post Arianna Putzer, al cuarto post Romy Shahini, al cuinto post Elisa Broll, al sesto post Angelina Rigotti y al setimo post Nives Runggaldier. Tla categoria cuccioli mutons ie Matthias Mahlknecht deventà prim, a 2 centesimi dan Manuel Senoner, cuinto ie deventà Florian Schmalzl, sesto Christian Kostner y decimo Kevin Avesani.
Cun chisc biei plazamënc adum a chëi dla grupes Fisi, ulache ie da auzé ora l prim post de Denise Demetz tla categoria Baby U10 y l prim post de Giovanni Rota tla categoria Superbaby U8, se à l Schiclub Gherdëina nce davanià inò la tlassifica a scuadres, dan l Sciclub de cesa Jochtal-Gitschberg.
